Egungo Euskararen Hiztegia (EEH)

Betizuak mendian libre ibiltzen diren behiak dira.  Gotzon Garate   «Zakurra, zeure laguna», 2002 - 109. orr.

Betizoetaz ere arduratzen zen, Euskal Herriko behi basa horiek begiratu nahiz.  Herria   2005-10-20

Bi betizuok txahal banarekin zeuden.  Gotzon Garate   «Zakurra, zeure laguna», 2002 - 110. orr.

Gertatu ere, gertatu da mendian betizuok pertsona hiltzea.  Gotzon Garate   «Zakurra, zeure laguna», 2002 - 110. orr.

Erroman ere, han-hemenka lasterkatzen, zezenak, idiak eta betizuak, adar eta hankak soka luzez loturik eta jendez beteak diren karriken erdian iragaiten.  Piarres Xarriton   «Enkiridion» - Martin Azpilkueta, 2006 - 105. orr.

Betizu batek atzera egingo lukeenaren parekoa da nik atzera egingo nukeen modua, betizu bat bezatzearen antzekoa da nik ukituak hartzen ikastea.  Xabier Olarra   «Antropologo bat Marten» - Oliver Sacks, 2003 - 258. orr.

Zortzi libera, sos handi eta txikietan, betizu baten larruaz gainera.  Aingeru Epaltza   «Mailuaren odola», 2006 - 138. orr.

Pentsamenduak betizu aztoratua izatea erabakitzen badu, ezin zaio kontrarik egin.  Hasier Etxeberria   «Arrainak ura baino», 1999 - 37. orr.

Betizu multxo ttipi bat agertu da xarako behereko aldetan.  Herria   2002-11-14

Ea nora joan den? Ziur asko, hortik zehar deslai dabilen zekor betizu baten bila.  Juan Garzia   «Pedro Páramo» - Juan Rulfo, 2001 - 76. orr.

Udazkenean, gauzak urritzen asten diranean, udarako aukerak ekarri zituen txori betizu guziek aldegin ditek; ez txantxangorriak.  Patziku Perurena   «Harrizko pareta erdiurratuak», 2004 - 33. orr.

Martinen aita nekazaria zen, gizon iluna eta betizua.  Koro Navarro   «Zalakain abenturazalea» - Pio Baroja, 2006 - 30. orr.

Jende betizua zen, hitz gutxikoa, baina ez zuten armarik eta ez naute gaizki tratatu.  Juan Garzia   «Sistema periodikoa» - Primo Levi, 1998 - 120. orr.

J. D. Salinger, idazlerik betizuena, berari edo bere obrari buruzko aipamen guztiak mesprezioz hartzen dituena.  Bernardo Atxaga   «Groenlandiako lezioa», 1998 - 125. orr.

Ume-koskor betizu baten gisa hasi zen Nora negarrez.  Anjel Lertxundi   «Azkenaz beste», 2005 - 129. orr.

Baina oraindik gelditzen diren baserritar mendiganadu bakanentzat, jendejera betizu temoxo paranoidetxo horrentzat, zer gara gu?, nor gara gu?  Iñaki Segurola   «Gaur ere ez du hiltzeko eguraldirik egingo», 2005 - 169. orr.

Zer-esango-ote-duten horrekiko mesprezua bere izaera betizutik eta amaren axolagabekeriatik zetorkion, hari kontu handiegirik egin ez eta.  Patxi Zubizarreta   «Mirarien kalezuloa» - Nagib Mahfuz, 2006 - 114. orr.

Neskatxa, baina, zakarkeriaz mintzatu zitzaion, begirakune betizua josirik.  Patxi Zubizarreta   «Mirarien kalezuloa» - Nagib Mahfuz, 2006 - 45. orr.

Begirakune harritua eta betizua josi zion emakumeari.  Patxi Zubizarreta   «Mirarien kalezuloa» - Nagib Mahfuz, 2006 - 175. orr.

· Adelaren begiradak aurpegia laztantzen zidanean, beste bat bihurtzen nintzen; nire betizu-itxura ezabatu egiten zen.  Juan Kruz Igerabide   «Hauts bihurtu zineten», 2005 - 27. orr.

Alain bere laguntzailea bakarrik zegoen han eta betizu samar begiratzen zion honek ertz batetik, diosalik egin gabe.  Harkaitz Cano   «Pasaia blues», 1999 - 52. orr.