Egungo Euskararen Hiztegia (EEH)

berde (orobat perde g.er.) 1 izond/iz urdinaren eta horiaren arteko kolorekoa, belar hezearen edo muskerraren kolorekoa. ik orlegi.

Aurpegi berdea zuen. Lopez de Arana «Manhattan Transfer» - John Dos Passos, 1999 - 349. orr.

Eremu berde bat zuri ikusten zuen uhin-luzera ertaineko argitan. Xabier Olarra «Antropologo bat Marten» - Oliver Sacks, 2003 - 49. orr.

Ikasgela handia zen, hormak altuak eta berdeak. Joseba Sarrionandia «Lagun izoztua», 2001 - 126. orr.

Hantxe jolasten ginen goizetik, soropil berdeko hegietan. Koldo Izagirre «Idi orgaren karranka» - Victor Hugo, 2002 - 48. orr.

Mendi berdeak eta odol iluna, baso ospelak eta sugar kiskalgarriak. Alberto Ladron Arana «Eguzki beltzaren sekretua», 2004 - 12. orr.

Suplizioaren lekua muino bat zen, eta haren gailur berdean haga bat zegoen. Juan Garzia «Ipuin hautatuak» - Jorge Luis Borges, 1998 - 144. orr.

Harri beltz haien, larre berde haien antza zuten gauzak bilatzen nituen. Fernando Rey «Gure etxeko kontuak» - Natalia Ginzburg, 2004 - 67. orr.

Aragornek harri berdea hartu zuen orduan, eta hura jasota, eskutik sugar berdea sortu zitzaion. Agustin Otsoa «Eraztunen Jauna III» - J.R.R. Tolkien, 2004 - 325. orr.

8:00 irakurriko duzu erlojuko numero berdeetan. Joseba Sarrionandia «Lagun izoztua», 2001 - 202. orr.

Zitroin berdea bezain garratza. Joan Mari Irigoien «Lur bat haratago», 2000 - 72. orr.

Lanpara berdea goratu nuen eta trena mugitzen hasi zen. Fernando Rey «Zorrotz begiratutako trenak» - Bohumil Hrabal, 2002 - 69. orr.

Kapela urdin txiki bat, apaingarri berde batez hornitua. Lopez de Arana «Manhattan Transfer» - John Dos Passos, 1999 - 456. orr.

Sahatsen itzal berdearen azpian. Agustin Otsoa «Eraztunen Jauna III» - J.R.R. Tolkien, 2004 - 267. orr.

Antzerki afixez beteriko bi iragarki zutabe zeuden, karratu berde, hori, gorri, urdinez estalirik, arlekinen antzera jantziak. Karlos Zabala «Parisen sabela» - Emile Zola, 2004 - 342. orr.

Hiru argazki egin zizkion koloretako uztai bati, tartean filtro gorri, berde eta morea erabiliz. Xabier Olarra «Antropologo bat Marten» - Oliver Sacks, 2003 - 43. orr.

Uniforme berria soinean, berde eta gorria kolorez. Felipe Juaristi «Itzarri nahi ez zuen printzesa», 2002 - 101. orr.

Emakumeak ez ziren eseri, harik eta Joanesen irudia, atorra gorri eta galtzak berde, galdu zen arte. Felipe Juaristi «Itzarri nahi ez zuen printzesa», 2002 - 25. orr.

Azkenean, oihan handiaren itsaso berde ilunak osoki irentsi zuen. Aurelia Arkotxa «Septentrio», 2001 - 123. orr.

Han errotulu argidunek izpi gorriak, urreztatuak eta berdeak bilbatzen zituzten. Lopez de Arana «Manhattan Transfer» - John Dos Passos, 1999 - 220. orr.

Oihal puskek estaltzen zituzten paretak, bandera karratuak ziren, horiak, urdinak, berdeak, beltzak. Karlos Zabala «Parisen sabela» - Emile Zola, 2004 - 368. orr.

Sudurra usain berde eta ustel batez gainezka nuen. Monika Etxebarria «Goragalea» - Jean Paul Sartre, 2003 - 211. orr.

Zintzilikariak berdeak eta zuriak ziren. Agustin Otsoa «Eraztunen Jauna III» - J.R.R. Tolkien, 2004 - 168. orr.

Orreagako ordokia dena pentze berde eta gizen da. Michel Oronoz «Oilandoiko ermita», 2001 - 179. orr.

Itsaso berdean hondarrezko islak daude marearen arabera azaldu edo murgiltzen direnak. Joseba Sarrionandia «Lagun izoztua», 2001 - 154. orr.

Hondarrezko ostertza dakusat, gau berdean zuriska. Joxe Austin Arrieta «Homo Faber» - Max Frisch, 2001 - 34. orr.

Almeriako tomateak eta Marokoko piper berdeak jan beharra. Berria - Ekonomia 2004-04-21

Legatza saltsa berdean. Ramon Saizarbitoria «Gorde nazazu lurpean», 2000 - 139. orr.

Han erruleta-mahaiak eta bigungarriz bildutako dadoak feltro berdearen gainean punpaka. Oskar Arana «Brooklyngo erokeriak» - Paul Auster, 2006 - 121. orr.

Metxa borobileko petrolio lanpara piztu nuen, pantaila berdearekiko lanpara. Fernando Rey «Zorrotz begiratutako trenak» - Bohumil Hrabal, 2002 - 65. orr.

Poliziaren autoak aldendu zirenean jarri zen semaforoa berdean. Unai Iturriaga «Berandu da gelditzeko», 1999 - 239. orr.

Ametsa berdea zen, alfonbra berde bat bezain berdea. Unai Elorriaga «Van't Hoffen ilea», 2003 - 37. orr.

Begi argi-argiak zituen, erdizka urdinak erdizka berdeak. Bernardo Atxaga «Soinujolearen semea», 2003 - 157. orr.

Faxistak euli berdeak bezalakoak dira: pausa-tzen diren lekuan pausatzen direla, euli-kaka bertan. Anjel Lertxundi «Ihes betea», 2006 - 307. orr.

2 (beste izenondo baten ezkerran)

Emakume ile beltz hark artesia buru erdian zeukan eta mahuka zabalekiko jantzi berde argi bat soinean. Lopez de Arana «Manhattan Transfer» - John Dos Passos, 1999 - 54. orr.

Betaurreko berde ilunekin ibiltzen zen beti. Bernardo Atxaga «Soinujolearen semea», 2003 - 85. orr.

Irlandako itsaso berde sakona. Felipe Juaristi «Airezko emakumeak», 2003 - 257. orr.

Argitasun berde itsugarri bat eta erreduraren mina bekokian. Iñaki Mendiguren «Harry Potter eta Azkabango presoa» - J.K. Rowling, 2002 - 32. orr.

Zeruko urdin leuna eta arbola hostoen dardara berde freskagarria. Ramon Saizarbitoria «Gorde nazazu lurpean», 2000 - 52. orr.

Kealdi berde azidoek eta txistu-hots ozenak bete zuten ziega. Iñaki Mendiguren «Harry Potter eta Azkabango presoa» - J.K. Rowling, 2002 - 127. orr.

Kamioneta berde zahar eta luzexka bat, Badiako ur berde arreetan. Aingeru Epaltza «Rock'n'roll», 2000 - 318. orr.

Lakoi maskal horixkek borla berde tamalgarri batzuk zituzten goialdean apaingarri. Karlos Zabala «Parisen sabela» - Emile Zola, 2004 - 357. orr.

Goialdean, berde ilun koloreko ate margotu berri bat aurkitu eta deitu egin zuen. Lopez de Arana «Manhattan Transfer» - John Dos Passos, 1999 - 84. orr.

Azken atorra eta aldagarri garbiak eta estutxe berde karratu bat hartu ditu maletatik. Pello Lizarralde «Larrepetit», 2002 - 112. orr.

3 (beste izenondo baten eskuinean)

Gero, nahiz eta begiak itxi, azpiko hondo ilun berdea irudikatzen hasten zen. «Kuskue tanden», 2004 - 51. orr.

Egiaz ari zara jolasean egiazko uraska eder, handi, berde batean. Josu Zabaleta «Sei pertsonaia autore bila» - Luigi Pirandello, 2003 - 134. orr.

4 (adizlagun gisa)

Orduak emango zituen etxeko soropil (berarentzat) gris ilunaren aurrean eserita, hura berde ikusteko, irudikatzeko, oroitzeko ahaleginetan. Xabier Olarra «Antropologo bat Marten» - Oliver Sacks, 2003 - 53. orr.

Berde jartzen denean autoak ziztu bizian ateratzen direlako. Berria - Euskal Herria 2006-01-05

Berde jarri zenean aurrera egin zuen eta baita neuk ere. Joxemari Iturralde «Euliak ez dira argazkietan azaltzen», 2000 - 57. orr.

Eguraldi ederra dago, itsasoa berde dago, nahiago dut hotz lehor hau hezetasuna baino. Monika Etxebarria «Goragalea» - Jean Paul Sartre, 2003 - 206. orr.

Ingurura begiratu eta dena berde zegoela ikusi zuen. Felipe Juaristi «Itzarri nahi ez zuen printzesa», 2002 - 179. orr.

Eder zeuden Obabako bazterrak: muinoak berde bizi, etxeak zuri. Bernardo Atxaga «Soinujolearen semea», 2003 - 415. orr.

5 (hitz elkartuetan lehen osagai gisa)

Galtza estu berdeak janzten ditu; bluxa berde-beltza, ez askoz laxoagoa. Lepoaren inguruan bufanda gorri eta berde-papagai bat ipinia zuen. Txillardegi «Labartzari agur», 2005 - 59. orr.

Sethek bere eskuei begiratu zien, mahuka berde-botilei. Anton Garikano «Maitea» - Toni Morrison, 2004 - 67. orr.

Berea bezalako beste begi berde-pare batzuk ikusi zituen. Iñaki Mendiguren «Harry Potter eta Azkabango presoa» - J.K. Rowling, 2002 - 188. orr.

Inaxiok ez zuen Dunlop berde-garesti hura galdu nahi. Iban Zaldua «Gezurrak, gezurrak, gezurrak», 2001 - 69. orr.

6 (hitz elkartuetan lehen osagai gisa, bigarren osagaia beste kolore bat delarik)

Agure handi berde-gris hori, besaulkian zegoena, buruzagi bat zen. Monika Etxebarria «Goragalea» - Jean Paul Sartre, 2003 - 149. orr.

Txori berde-marroixka bat handik atera eta gure gainetik pasatu zen. Bernardo Atxaga «Lekuak», 2005 - 85. orr.

Marra kiribil hori-laranjen itxura hartuta ur-korronte berde-marroiaren gainean. Lopez de Arana «Manhattan Transfer» - John Dos Passos, 1999 - 103. orr.

Oihan itsua besterik ez izaki, ordea, baztergabea, berde-urdina, laua, ozeanoa bezalakoxea. Joxe Austin Arrieta «Homo Faber» - Max Frisch, 2001 - 62. orr.

Bertan mahai pilo bat zegoen, Napoli-ko badiaren bi pintura berde-urdinen artean pilaturik. Lopez de Arana «Manhattan Transfer» - John Dos Passos, 1999 - 483. orr.

7 (hitz elkartuetan bigarren osagai gisa, lehenengoa kolore bat delarik)

Duralexezko plater zuri-berdean. «Eta emakumeari sugeak esan zion», 1999 - 115. orr.

Angelak ezagutzen ez zion soineko urdin-berde bat jantzirik azaldu zen Karmen, ederra. Xabier Montoia «Baina bihotzak dio», 2002 - 193. orr.

Ile horia, begi urdin argiak, jaka gorria, jantziaren lepoa urdin-berdea. Xabier Olarra «Antropologo bat Marten» - Oliver Sacks, 2003 - 44. orr.

Musker hori-berde eder baten atzetik tematuta, konturatu orduko izu betean. Txillardegi «Labartzari agur», 2005 - 149. orr.

Kolore gorri, okre, marroiak ziren nagusi, hori-berdeak ez ziren falta. «Kuskue tanden», 2004 - 84. orr.

Lauki beltzekiko artilezko galtzerdi oliba-berde batzuk. Lopez de Arana «Manhattan Transfer» - John Dos Passos, 1999 - 421. orr.

· Gudariek beren odolaz sakratu bihurtu zuten ikurrin zuri-berde-gorria. Txillardegi «Labartzari agur», 2005 - 225. orr.

8 (hitz elkartuetan bigarren osagai gisa, elkarketa izenondoa delarik)

Kolore zeru-urdina edo sagar-berdea zituen gustuko. Karlos Zabala «Parisen sabela» - Emile Zola, 2004 - 259. orr.

Jantziak, jade-berdeak, lila-kolorekoak, urdin ilunak... Iñaki Mendiguren «Harry Potter eta sekretuen ganbera» - J.K. Rowling, 2001 - 248. orr.

Oilarraren odol gorriaz jantzi zen, ostadarraren kolore guztiak gorritasun hartan urturik, baita oilar luma-berdea ere. Joan Mari Irigoien «Oilarraren promesa», 2003 - 94. orr.

Nankin-go oihalezko jaka belar-berdea eta galtza horiak jantzirik. Jose Morales «Arima hilak» - Nikolai Gogol, 1998 - 426. orr.

Hemen ez da gozotasunik, ez da larre guri-berderik. Xabier Montoia «Elektrika», 2004 - 138. orr.

9 (hiru osagaiko hitz elkartuetan)

Pastilla urdin-zuri-gorriz edo konbikzioen arabera, berde-zuri-gorriz. Itxaro Borda «%100 basque», 2001 - 184. orr.

10 (kolore hitzarekin)

Kolore berde xumea hosto aldakorraren antzera indartzen denean olatuaren altzoan. Anton Garikano «Farorantz» - Virginia Woolf, 2001 - 127. orr.

Zaldunen gisako jantziak zeramatzan, eta kolore berde iluneko kapa. Agustin Otsoa «Eraztunen Jauna III» - J.R.R. Tolkien, 2004 - 81. orr.

Hostoak kolore berde ilunekoak dira gaineko aldetik eta zurixkak azpikotik. J.M. Olaizola "Txiliku" «Bizitza eredugarriak», 2006 - 147. orr.

Kolore berde eta urdin biziz margotua. Pako Aristi «Note book», 2005 - 20. orr.

Katherinek atorramotz ile-gordin bat zeraman eta kolore berdeko kotagaineko bat. Juan Garzia «Bizi alegiazkoak» - Marcel Schwob, 2002 - 104. orr.

Itsas aintzira baten pareko kolore berde bera zuen saltsa mehe, min eta fresko batean. «Loroaren teorema» - Denis Guedj, 2006 - 192. orr.

Ama kolore berdeko eta alaba gorriko praka bakeroz jantzita zeudela ikusi zuen horrela. Aitor Arana «Bost ahizpa», 2005 - 17. orr.

Galtzadarrizko kaleekin, berde koloreko barrakoi apain eta solairu bakarreko harrizko etxetxoekin. Urtzi Urrutikoetxea «Zoririk ez» - Imre Kertész, 2003 - 129. orr.

Urre berde koloreko soineko bat jantzita. Lopez de Arana «Manhattan Transfer» - John Dos Passos, 1999 - 220. orr.

Ezker-eskuin muinoan gora hedatzen diren galtzadarrizko kaleekin, berde koloreko barrakoi apain eta solairu bakarreko harrizko etxetxoekin. Urtzi Urrutikoetxea «Zoririk ez» - Imre Kertész, 2003 - 129. orr.

Berde koloreko larruzko poltsa bertikal handia. Joxemari Iturralde «Euliak ez dira argazkietan azaltzen», 2000 - 248. orr.

Aza-berde koloreko alfonbra batez. Lopez de Arana «Manhattan Transfer» - John Dos Passos, 1999 - 244. orr.

Eskailera gaineko sagar-berde koloreko tapizak. «Loroaren teorema» - Denis Guedj, 2006 - 325. orr.

Palmondoak, sufrezko berde kolore, ekaitzaren erdian. Joxe Austin Arrieta «Homo Faber» - Max Frisch, 2001 - 264. orr.

Menditxoak, itzalez beteta, berde kolorea ari ziren hartzen. Josu Zabaleta «Gauza baten ametsa» - Pier Paolo Pasolini, 1998 - 51. orr.

Lepoan ipini zuen ezkondu bezperan senarrak oparitutako idunekoa, harribitxi berde-kolorekoez osatua. Felipe Juaristi «Airezko emakumeak», 2003 - 45. orr.

Haien atzetik Hagrid zetorren, hitz eta pitz, lima-berde koloreko onddo-kapela batez. Iñaki Mendiguren «Harry Potter eta sorgin harria» - J.K. Rowling, 2000 - 165. orr.

Lima-berde koloreko Oldsmobile Cutlass bat, 1994koa, tramankulu harrigarri itsusi bat. Oskar Arana «Brooklyngo erokeriak» - Paul Auster, 2006 - 170. orr.

11 (-en atzizkiaren eskuinean izen gisa)

Bai gustatzen zaidala zure begien berdea, baina are gehiago zure sudurraren zuria. Sonia Gonzalez «Ugerra eta kedarra», 2003 - 85. orr.

Arbola hostoen berdea eta itsasoaren urdina gibelean zituztela. Aritz Gorrotxategi «Egurra Pinotxori», 2002 - 46. orr.

12 (izen gisa)

Behin, duela hamabost urte-edo, Deba inguruko berdeari begira zoriontsu zinen autobus batean Donostiarantz. «Eta emakumeari sugeak esan zion», 1999 - 114. orr.

Horri, tindatzeko berdea deitzen diote. Santiago Iruretagoiena «Arkitekturaz hamar liburuak» - Vitruvio, 2000 - 3550. orr.

Halakoxeak ziren ama eta ume begiak, pinuek margotutako berdearen atzean Treblinkako gas-ganbarako horma zuriak ikusten zituztenean. Felipe Juaristi «Azken gutuna» - Vassili Grossman, 2005 - 59. orr.

Gorritik berdera aldatu bezain pronto, atzean utzi dute autoek furgoneta. Patxi Iturritegi «Behi eroak», 2003 - 15. orr.

13 ekologista; ekologikoa.

«Europa gorri, berde eta morea» aldarrikatu nahi dute, hau da, «eskubide sozialak, ingurumenaren babesa eta sexu arteko berdintasuna aintzat hartuko dituen Europa». Xabier Olarra «Antropologo bat Marten» - Oliver Sacks, 2003 - 43. orr.

Merkataritza, kontsumo eta ekoizpen arloetan paradigma berde horren hedapenaren ezaugarritzat har daitezke [...] produkzio eta kontsumo biologiko eta ekologikoaren hedapena. Iñaki Heras «Txanponaren bi aldeak», 2003 - 308. orr.

Aste Berdean esan dutenez, garraioa eta hondakinak dira kezka nagusiak. Berria - Euskal Herria 2004-06-01

Ekonomia berdea ekonomia eta ekologia. Iñaki Heras «Txanponaren bi aldeak», 2003 - 307. orr.

Ekonomia berde-gorria: ikuspegi ekologikoa eta sistemari kritika. Iñaki Heras «Txanponaren bi aldeak», 2003 - 313. orr.

Kutsatzen duen enpresa baten aurkako erresistentzia ekintza baketsuak talde berde batek egiten dituenean. Berria - Euskal Herria 2004-03-16

Balitake alderdi "berde" azkartto baten beharra, ikusiz zer gertatzen den bazterretan. Herria 2002-12-19

Herbehereetako Groenlinks alderdi berdeak erreferenduma egin izana txalotu du. Berria - Harian 2005-06-02

Serge LoncaHendaiako kontseilari "berdeak" dauka aldiz ondarkintegi hori alde bat behar litakeela zerratu. Herria 2001-10-04

Kontseilu Jeneral edo Orokorrean "berde" baten sartzea gauza ona izanen zela. Herria 2004-04-01

Alternatibak izan daitezkeela badaki, erregai berdeekin-edo. Berria - Harian 2005-09-22

Eusko Jaurlaritzak uste du urtean 14 milioi euroko dirutza jasoko duela zerga berdeari esker. Berria - Euskal Herria 2004-10-07

Tresnei buruz, berriz, ezagunenak zergak eta tasa berdeak dira, ingurugiroan inbertitzera bideratzen direnak. Iñaki Heras «Txanponaren bi aldeak», 2003 - 310. orr.

Ezkerraldean, sozialixta, "berde" eta beste bilduak dira Colette Capdevielle abokataren inguruan. Herria 2001-02-01

Goi mailako gastronomia eta elikagai landatarrak vs. elikadura industrializatua, neurri handi batean, bertoko "turismo berdeak" bultzatuta. Edorta Agirre «Baietz okerreko bidea aukeratu! », 2006 - 99. orr.

Teknologia berdearen aroa. Berria - Gaiak 2004-11-19

Egungo paradigma berdean [...] 60ko eta 70eko urteetan ekologiaren mitologiaren zentroan bertan zeuden beharren autolimitazioaren ideala eta kontsumo-gizartearen bizioen denuntzia alde batera utzi dira. Iñaki Heras «Txanponaren bi aldeak», 2003 - 318. orr.

Gora Iraultza Berdea! Joan Mari Irigoien «Oilarraren promesa», 2003 - 76. orr.

· Hiru hautagai abertzale aurkeztuko dira eta baita LCR, Berdeak, PS, PC eta FN ere. Berria - Euskal Herria 2004-03-20

Bai kontent komunistak bi alki bereganatu dituztela, kontent berdeak hiru senadore gehiagorekin. Herria 2004-09-30

Bi estatuotan gorri-berdeen koalizioak agintzen du, eta bietan boterea eskuratzeko lehian dabil CDU. Berria - Mundua 2004-12-21

13a lizuna.

Zentzu bikoitzeko txiste berdeak. Joseba Urteaga «Lekua» - Annie Ernaux, 2003 - 45. orr.

14 (izen gisa) goardia zibila.

'Berdeak datozela...' abisatu zuen Joseba Sarrionandia «Lagun izoztua», 2001 - 75. orr.

15 irud/hed

Etxegintza alorrean bultzatu nahi duen aldaketen bidez, gune berdeak sortu nahi ditu Herriko Etxeak 2015. urteari begira. Berria - Euskal Herria 2006-04-19

Karreraren arabera, Lezoko ia gune berde bakarra suntsituko lukete. ik berdegune. Berria - Euskal Herria 2006-01-14

Garaian garaikoa ez den haize gordin arrotzari berriz haize berdea esan ohi zaio. Patziku Perurena «Harrizko pareta erdiurratuak», 2004 - 146. orr.

Eguraldi berdea ere, berdotza, badaki behin hasitakoan luzatzen. Pello Zabala «Naturaren mintzoa», 2000 - 204. orr.

Hilotomoek eta anobioek ez dituztelako egur berdeari aurre egin eta garaitzeko beharko zituzten ebakitzeko eta zulatzeko tresnak. Jon Alonso «Lisboako Setioaren Historia» - Jos? Saramago, 2000 - 403. orr.

Halere, partida gutxi jokatu dudanez, bada, oraindik berde nagoela uste dut. Berria - Kirola 2004-11-20

16 argi berdea eman baimena eman.

Senatuak argi berdea eman dio 10.500 milioi dolar bideratzeari Katrina-k kaltetu dituen zonaldeetan laguntzeko. Berria - Harian 2005-09-03

Parisko Dei Auzitegiak argi berdea eman dio Iñaki Esparza estraditatzeari. Berria - Euskal Herria 2004-11-25

Azken urteotan etorri diren ekimen guztiei argi berdea eman zaie. Berria - Euskal Herria 2004-07-21

17 berde-berde

Ezker, ogi landa berde berdea, astoliliek guneka sistatua. Piarres Aintziart «Santiago oinez», 2000 - 45. orr.

Txikiak eta berde-berdeak zituen begiak. Koro Navarro «Artistakume baten erretratua» - Dylan Thomas, 1999 - 206. orr.

Ezponda berde-berdezko zanga baten ondotik ibili ziren. Josu Zabaleta «Gauza baten ametsa» - Pier Paolo Pasolini, 1998 - 155. orr.

Ondoren, gustuko zenituen kotoizko hodei potoloak, belar berde berde berdea, atertu ostean bezala, Abadia gaztelua toki ederra da. Eider Rodriguez «Eta handik gutxira gaur», 2004 - 59. orr.

Zer edo zer beti berde-berde dirauena. Pello Zabala «Naturaren mintzoa», 2000 - 379. orr.

Berde-berde eta sarria ikusten zen ibaiaren beste aldeko artasoroa. Anjel Lertxundi «Ihes betea», 2006 - 357. orr.

18 berde min ik berdemin.

hitz multzoen maiztasunak (gutxienez 4 aldiz agertzen direnak)

argi berde (11); auto berde (5); begi berde (26); belar berde (5); belarra berde (4)

berde argi (9); berde argi bat (4); berde argia (9); berde berde (4); berde berdea (7); berde bizi (5); berde dago (4); berde esmeralda (4); berde eta hori (4); berde eta morea (4); berde eta urdin (6); berde handi (12); berde hori (9); berde horiek (9); berde hura (10); berde ilun (15); berde ilun bat (4); berde iluna (12); berde ilunak (9); berde ilunez (5); berde jarri (9); berde koloreko (12); berde kolorekoa (5)