Egungo Euskararen Hiztegia (EEH)

bederen (orobat bedere g.er.) 1 adlag behintzat, gutxienez. ik bederik.

-Lagunei, bederen, neronek jakinarazi nahi nien. Aingeru Epaltza «Rock'n'roll», 2000 - 54. orr.

-Frantxuak bederen jendeki tratatuko nau! Itxaro Borda «Zeruetako erresuma», 2005 - 48. orr.

Neuri bederen, denboraren amaraunak estali dituen hondakin horiek higuina ematen didate. Joxean Agirre «Romain zen bere izena», 2003 - 52. orr.

Egokiera, bederen, aldekoa zuen. Aingeru Epaltza «Mailuaren odola», 2006 - 55. orr.

Bada bederen bost lerro leihatila alde guzietarik. Filipe Bidart «Bakartasunaz bi hitz», 2004 - 41. orr.

Hori da, bederen, gehien hunkitu nauena gutun horiek azken aldiz irakurri berri ditudalarik. «Harreman arriskutsuak» - Choderlos de Laclos, 1997 - 529. orr.

Hamar aldiz bederen kontseilu galdatua nion anaiari. Daniel Landart «Anaiaren azken hitza», 1999 - 30. orr.

Aitatxik bederen ez zuen irudipen hori. Eneko Bidegain «Anbroxio», 2002 - 62. orr.

Horregatik ziotson Abrahamek Jainkoari: -Ai, Ismaeli bederen bizirik eutsiko bazenio! Elizen arteko biblia Has 17,18

Gauza bat bederen ziur dakigu, errukiak bultzatuko zaituztela lan hau egitera [...] gure diruaren eta gure ordainaren promesak baino areago. Jon Alonso «Lisboako Setioaren Historia» - José Saramago, 2000 - 62. orr.

Pariseko nagusi berriek jakinarazia digute argi eta garbi euskal departamendurik bederen ez dugula nehoiz izanen. Piarres Xarriton «De re publica edo politikaz», 2003 - 41. orr.

-Baina bederen hogei urte zu baino zaharragoa da! Elena Touyarou «Hautsi da katea» - Toti Mtz. de Lecea, 2004 - 174. orr.

Berak zabaltzen baitzien bidea, itxuraz bederen, bai ondoko beste zazpi zaldiei, bai dilijentziari berari. Txillardegi «Putzu», 1999 - 48. orr.

Horregatik, saiatu naiz ni ere, hitzez bederen, gerra pixkat ematen. Patziku Perurena «Harrizko pareta erdiurratuak», 2004 - 39. orr.

Hiru urtez kasik fleitean egon naiz, etengabe lanean edo bederen zerbait ari, Afrikan. Piarres Aintziart «Azken apeza», 2005 - 16. orr.

Gutun honek emanen ahal dik bederen nire damuaren berri! «Harreman arriskutsuak» - Choderlos de Laclos, 1997 - 501. orr.

Ezagutzen baitut ene ahulezia, eta Jainkoaren bihotz onari esker baitakit, hain baliogabea izanagatik, ene buruaren zerbait argi edo bederen itzal badudala, saiatzen naiz Jainkoa baitan ezartzen ene fidantzia osoa. Piarres Xarriton «Enkiridion» - Martin Azpilkueta, 2006 - 49. orr.

Eta norbaitek bere burua bezala maitatu nahi ez baditu, ez diezaiela bederen gaitz egin. Askoren artean «Asisko Frantzizko, Asisko Klara», 2002 - 100. orr.

Ez baiaren alde mintzaturik ere, ixilik bederen egonen zirela... Herria 2005-02-10

Jainkoaren hitza zen hura, profezia baten iduria zuena... errebelazione bat!, edo hala sentitu nuen nik bederen. Joan Mari Irigoien «Lur bat haratago», 2000 - 624. orr.

Baita, zertarako uka, urrats bat aitzinago eta, oraingo aldiko bederen. Aingeru Epaltza «Rock'n'roll», 2000 - 50. orr.

-Ez dakit, eta ez da erraza jakitea, hainbat atetan joka hasi arte bederen. Migel Angel Mintegi «Denak du bere prezioa», 2002 - 271. orr.

Kaserna bai, ikus genezakeen, puska batean bederen. Txillardegi «Putzu», 1999 - 49. orr.

Gazte bati hika egitea eskatzen baitu hizkuntzak, edo guri bederen hala eskatzen zigun lehenago. Pello Salaburu «Euskararen etxea», 2002 - 16. orr.

Mito horrek ere badu, ordea, bere prestutasuna, eta ez litzateke eragin apur bat bederen baduenik ukatu behar. Josu Zabaleta «Irudia» - Jacques Aumont, 2004 - 254. orr.

Pittin bat harrituta dago, Ursularen bisita espero baitzuen, edo telefono-dei bat bederen. Iban Zaldua «Etorkizuna», 2005 - 33. orr.

Jainkoa (gorets bedi!) gauza guztien "azken xedea" da, eta ororen azken helburua Haren betegintzaren antzeko bihurtzea da, ahal den neurrian bederen. Xabier Kintana «Alderraien gidaria» - Mose ben Maimon, 2006 - 177. orr.

Hortaratua zen beraz, asmoz bederen. Piarres Aintziart «Azken apeza», 2005 - 99. orr.

Hala izan behar du, gainera, nire ustez bederen. Berria - Gaiak 2004-02-04

Ezagutzen duzu, bederen? Aingeru Epaltza «Rock'n'roll», 2000 - 379. orr.

Ezin badut mundua aldatu, neure burua aldatzen saiatu naiteke bederen. Oskar Arana «Brooklyngo erokeriak» - Paul Auster, 2006 - 123. orr.

Ageri dira islamistak, agertzen ari bederen. Herria 2003-04-17

Zin egin zuen ez zutela nehoiz harrapatuko, bizirik bederen. Itxaro Borda «Hiruko», 2003 - 9. orr.

Barrenak nahastutako kasta izango gara gu: nahasian dabilzkigu atsegina eta nazka, edo nazka bete-betea ez bada ere, bai naxka bederen. Iñaki Segurola «Gaur ere ez du hiltzeko eguraldirik egingo», 2005 - 23. orr.

Denek diote ez duela partida irabazten ahal bainan saltsa nahasten bederen du! Herria 2001-03-08

hitz multzoen maiztasunak (gutxienez 5 aldiz agertzen direnak)

aldez bederen (5); aldi bat bederen (5); aldiz bederen (13); apur bat bederen (6); arabera bederen (9); arte bederen (29); artean bederen (13); artetan bederen (14); astean behin bederen (6)

bada bederen (15); badira bederen (9); badu bederen (12); bai bederen (34); baina bederen (9); banuen bederen (6); bat bederen (162); bat bederen egin (6); batean bederen (53); batentzat bederen (5); batez bederen (36); batzu bederen (5); batzuetan bederen (10); batzuk bederen (9); bazen bederen (9); bazuen bederen (6); bazuten bederen (6)