Baimena, GHEEtik kanpoko atzerriko titulua izanik UPV/EHUn unibertsitate doktorego ikasketak egitekoa

Doktorego ikasketa ofizialak arautzen dituen 99/2011 Errege Dekretuak honako hau ezartzen du 6.2.c artikuluan:

“2. Asimismo, podrán acceder quienes se encuentren en alguno de los siguientes supuestos:
c) Estar en posesión de un título obtenido conforme a sistemas educativos extranjeros ajenos al EEES, sin necesidad de su homologación, previa comprobación por la universidad de que éste acredita un nivel de formación equivalente a la del título oficial español de Máster universitario y que faculta en el país de expedición del título para el acceso a estudios de doctorado. Esta admisión no implicará, en ningún caso, la homologación del título previo del que esté en posesión el interesado ni su reconocimiento a otros efectos que el del acceso a enseñanzas de doctorado.”

Ondorioz, Goi mailako Hezkuntzaren Europako Esparrutik kanpoko herrialdeetako unibertsitateek emandako homologatu gabeko atzerriko titulazio batekin UPV/EHUn doktorego ikasketak egin ahal izateko, web orriaren bidez izapidetu beharko da eskabidea.

Honako dokumentazio hau erantsi behar da nahitaez:

• Eskaera inprimakia
• NAN /AIZ /Pasaportea
• Espediente akademikoa, Graduko eta masterreko titulazioetakoa, honako hauek adierazita: egindako irakasgaiak, lortutako nota eta iraupena kredituetan/ordutan (titulua ingelesa ez den atzerriko hizkuntza batean emanda badago, zinpeko itzulpena gaztelaniara, euskarara edo ingelesera itzulita aurkeztu beharko da).
• Legeztatuko/Hagako zigilua duen titulua (titulua ingelesa ez den atzerriko hizkuntza batean emanda badago, zinpeko itzulpena gaztelaniara, euskarara edo ingelesera itzulita aurkeztu beharko da).
• Aurkeztutako tituluak titulu hori eman den herrialdean unibertsitateko graduondoko ikasketak egiteko aukera ematen duela egiaztatzen duen agiria.

UPV/EHUko Graduondoko Batzordeak eskaerak aztertu eta txostena egingo du. Aldeko txostena bada, ziurtagiri bat emango da, eskatzaileari baimena emateko Jakintza Arlo batean edo gehiagotan doktorego ikasketak egiteko, eskatutakoaren arabera.

Baimen hori edo, halakorik ezean, eskatu izanaren frogagiria nahitaezkoa izango da doktorego ikasketetan izena eman ahal izateko.

Harremanetarako: doctorado@ehu.eus