Lanaren eta Gizarte Segurantzaren Zuzenbideko Unibertsitateko irakaslea. Lan Harremanen eta Gizarte Langintzaren Fakultatea. UPV/EHU.

• Korreo elektronikoa: mirenedurne.lopez @ehu.eus
• ORCID: 0000-0002-9461-2483

López doktorea Lanaren eta Gizarte Segurantzaren Zuzenbideko Unibertsitate Eskolako irakasle titularra da Euskal Herriko Unibertsitatean, eta 1994az geroztik irakasten du Lan Harremanen eta Gizarte Langintzaren Fakultatean (Leioako Campusa).

Bere irakaskuntza- eta ikerketa-lana, batez ere, laneko arriskuen prebentzioan, emakumeen eta gizonen arteko berdintasunean eta bi arloen arteko harremanean oinarritu da. Horren emaitza dira monografiak, artikuluak eta obra kolektiboetako partaidetzak.

Ikerketa-proiektuetan parte hartu du (MINECO eta UPV/EHU) eta UPV/EHUko GIU18/082 ikerketa-taldeko kide da.

Erakunde autonomoekin lankidetzan aritu da, hala nola Emakunderekin eta Osalanekin, sexu-jazarpenaren eta sexuan oinarritutako jazarpenaren aurkako txostenak eta protokoloak eginez, bi erakundeek antolatutako jardunaldietan txostengile gisa parte hartuz eta irakaskuntza-materiala prestatuz; laneko arriskuen prebentzioari buruzko ikastaroak eman ditu genero-ikuspegiarekin, berdintasun-planak eta sexu-jazarpenaren eta sexuan oinarritutako jazarpenaren inguruko planak hainbat enpresatan, eta txostengile gisa parte hartu du hainbat erakunderentzat.

Gaur egun, irakasle eta ikertzaile izateaz gain, UPV/EHUko Giza Baliabideen eta Enpleguaren Kudeaketako unibertsitate-masterreko (ofiziala) zuzendaria da.