Ezagutu materialak eskala mikroskopikotik abiatuta!
- Jakintza adarra: Ingeniaritza eta Arkitektura
- Campusa: Bizkaia
- Ikastegi antolatzailea: Bilboko Ingeniaritza Eskola
- Graduak:
- Ingeniaritza Zibila
- Ingeniaritza Mekanikoa
- Industria Teknologiaren Ingeniaritza
- Garapen-lekua (helbidea): Bilboko Ingeniaritza Eskola (I. eraikina). Torres Quevedo Plaza, 1. 48013 Bilbo
Egutegia eta plazak
| Data | Hizkuntza | Txanda | Ordutegia | Plazak |
|---|---|---|---|---|
| 2024-06-04 | Euskara | Goizez | 11:00 – 12:30 | 15 |
| 2024-06-06 | Euskara | Goizez | 11:00 – 12:30 | 15 |
| 2024-06-18 | Gaztelania | Goizez | 11:00 – 12:30 | 15 |
| 2024-06-20 | Gaztelania | Goizez | 11:00 – 12:30 | 15 |
Jardueraren deskribapen laburra
Ikasleei material ezberdinen (metalikoak, polimerikoak eta zeramikoak) barne-egituraren eta zerbitzuko-propietateen (propietate mekanikoak, fisikoak, kimikoak…) arteko erlazio zuzena nolakoa den azalduko zaie.
Landuko diren gaiak/edukiak
Materialen zientziaren arlora hurbiltzea.
- Material kristalinoak (opakuak) eta amorfoak (gardenak).
- Material harikorrak (plastikoki asko deformatzen dira) eta hauskorrak (ez dira plastikoki deformatzen).
- Material gogorrak (deformazio plastikoari erresistentzia altua, adibidez, diamantea) eta bigunak (deformazio plastikoari erresistentzia baxua, adibidez, plastilina).
Egingo diren ekintzak
- Materialen barne egitura aztertzeko, lagin metalikoen prestakuntza eta ondoren mikroskopio optiko batean laginen behaketa.
- Materialen gogortasuna neurtzeko, sartze-bidezko gogortasun saiakuntza.
- Materialen propietate mekanikoak (erresistentzia, zurruntasuna eta harikortasuna) neurtzeko trakzio saiakuntza.