Shakespeareren sonetoak Juan Garziaren ahotsean
004. Maitagarri zuhurgabe, zergatik
Maitagarri zuhurgabe, zergatik
zeugan xahut eder-ondare hori?
Naturak dio maileguz beretik
zabal ematen bihotz-zabalari.
Zergatik duzu, bada, zeken eder,
emateko emana harrikatzen?
Lukur mozkingabe, dohain-aloger
bikain horrez, hain zail dea bizitzen?
Zeure baitara tratuz mugaturik,
zeuk dagizu zeure kaltez iruzur;
Natura kontu-eske hor heldurik,
zer zor-kitapen litzaizuke zuhur?
Zure ederra alferrik lurpera
ez dadin, ahaldun oso zeu zara.