Shakespeareren sonetoak Juan Garziaren ahotsean
128. Zeinen sarri, zuk, musika ene, zur
Zeinen sarri, zuk, musika ene, zur
kutun horri eraginik soinuak,
hatz amultsuoz hariz hari samur
durduzaturik ene belarriak,
bekaizten naizen zurki jauzkarioz,
ahur gurian muin baitegizute,
ezpainok ahalke-gorrituz jelos
zur ozarraren, ez baitute parte.
Pozarren leudeke haien lekuan,
berek sentitzeko dantza bipila;
zure hatzek, baina, arin prestuan,
bizion partez atsegin zur hila.
Lotsagabeok badutenez sari,
ezpainak eman niri musukari.