Shakespeareren sonetoak Juan Garziaren ahotsean
001. Sortzez finenek zor dute hazkuntza
Sortzez finenek zor dute hazkuntza,
Ederren arrosa ez dadin ihar;
gaur gal badeza helduak bizitza,
kimu xamurrak oroit dezan bihar.
Zuk, baina, begi argioz zuhaur huts,
zeu zaren sugaiaz dirazekazu,
Oparo bihurtuz Gosete biluz;
zeure buruak etsai latz zaitu zu.
Zu, mundu honen edergailu panpox,
Udaberriren albistari bakar,
zergatik zeure pipilean ehortz,
xekenki gordez zarena galtzear:
urrikal munduaz, gosezto zuntzun,
hilobiak oro jan ez diezazun.