Shakespeareren sonetoak Juan Garziaren ahotsean
047. Elkar harturik, Begi eta Bihotz
Elkar harturik, Begi eta Bihotz
esku emanez dabiltza elkarri:
gose-egarri delarik Begi soz,
zein maiteminez Bihotz itolarri,
festa du Begik Maiteren irudiz:
oturuntzara Bihotzek gonbita;
behin hala, hurrena alderantziz,
maitasun-pentsutik biek baltzuka.
Zeure irudiz zein maitasun neurez
aldean zauzkat, urrun arren, beti;
ez dagikezu arinago ihes:
zu non, hantxe nik gogoa zintzoki;
lotan ere, begiko irudiak
pizten dizkit pozez bihotz-begiak.