Shakespeareren sonetoak Juan Garziaren ahotsean
019. Aldi latz, lehoien erpeak kamuts
Aldi latz, lehoien erpeak kamuts;
irentsaraz bere haurrak lurrari;
tigreari betortz larriak erauz;
odol-su errauts Fenix iraunkari;
poz-minak ekar urtaroz urtaro;
badukek, Aldi oin-arin, baimena
hutsaltzeko gozo-usteak oro.
Ez duk haizu, baina, krimen latzena:
ez, oi, Maiteren betertza zizelka,
Orenen lumaz ez marrazta anker;
joanean, hura utz ukitzeka
geroko gizonen zer-mira eder.
Har, Aldi zahar, mila alfer-neke,
hitzotan gazte beti baitirauke.