Espainiako Unibertsitateetako Artxibozainen Konferentziak (CAU) eta Euskal Herriko Unibertsitateko Artxibo Nagusiak Unibertsitateko Artxiboen XXV. Jardunaldiak egingo dituzte 2019ko urriaren 9tik 11ra. Aurtengo jardunaldien gaia hau izango da: “Dokumentuen eskuragarritasuna unibertsitateko artxiboetan: gardentasunaren, datu babesaren eta ikerkuntzaren artean”.

Dokumentu horien eskuragarritasunak zalantza handiak sortzen dizkie artxibozainei, ikertzaileei eta oro har herritar guztiei. Hori dela eta jorratuko da unibertsitateko dokumentuen eskuragarritasuna, hiru ikuspegitatik: alde batetik, erakundeen gardentasunaren ikuspuntutik; bestetik, datu pertsonalen babesaren ikuspegitik; eta, azkenik, ikerkuntzaren ikuspuntutik.

UPV/EHUko Bizkaia Aretoa hautatu dute jardunaldiak egiteko. Eraikin moderno hori, Alvaro Siza arkitektoak egina, Bilboko eremu enblematikoenetako batean dago, Abandoibarra etorbidearen erdi-erdian, eta ‘L’ forman dago eraikita, itsasadarrerantz eta Guggenheim museorantz zabalik.

Saioak Oteiza entzunaretoan izango dira; izan ere, Bizkaia Aretoko terraza ikusgarritik gertu dagoenez, eta handik dauden ikuspegiak kontuan hartuta, gune ezin hobea da jardunaldiak egiteko.

Helbidea: Abandoibarra etorbidea 3

48009 Bilbo

GPS koordenatuak: 43.26867,-2.93752

Google Mapseko kokapena

UPV/EHUko Artxibo Nagusia

Errektoretzaren eraikina

Sarriena auzoa z/g

48940 LEIOA

Helbide elektronikoa: miguelangel.santos@ehu.eus

teléfono: 946013395