Batxilergotik sartzea

Fase bi dauzka: sarbide fasea eta onarpen fasea.

Sarbide fasea:

Batxilergoa amaitzean ikasleek graduko unibertsitate-ikasketa ofizialak egiteko izan beharreko heldutasuna eta oinarrizko trebetasunak dituzten ala ez neurtzea du helburu. Honako azterketa hauek ditu:

• Gaztelania eta Literatura II
• Euskara eta Literatura II
• Espainiako historia edo Filosofiaren Historia, ikaslearen aukeran.
• Ikasitako atzerriko 1. hizkuntza II: ingelesa, frantsesa, italiera, portugesa edo alemana
• Batxilergoko 2. mailako ikasitako modalitateko derrigorrezko gaia:
  • Zientziak eta Teknologia: Matematika II edo Gizarte Zientziei Aplikatutako Matematika II
  • Giza eta Gizarte Zientziak: Latina II edo Matematika Gizarte Zientziei Aplikatua II
  • Arteak:
    • Arte Plastikoen, Irudiaren eta Diseinuaren adarra: Marrazketa Artistikoa II
    • Musikaren eta Arte Eszenikoen adarra: Analisi Musikala II edo Arte Eszenikoak II
  • Modalitate Orokorra: Zientzia Orokorrak

Azterketa bakoitzak ordu eta erdi iraungo du.

Azterketa bakoitzari 0 puntutik 10 puntura bitartean emango zaio. Kalifikazioa izango da azterketa guztietako kalifikazioen batez besteko aritmetikoa, hiru dezimalekin.

Onarpen fasea:

Fase hau borondatezkoa da, eta unibertsitate-gradu jakin baterako onarpen-nota hobetzeko balioko du. Sarrera-proba egin eta onarpen-nota hobetu nahi dutenek Batxilergoko bigarren mailako hiru ikasgairen deialdi berean egin ahal izango dute azterketa, komunak edo modalitatekoak, Sarbide Fasean aztertu ez direnak. Era berean, atzerriko bigarren hizkuntza batean ere aztertu ahal izango dira, proba horretan aukeratutakoa ez den beste batean.

Fase honetan egindako gaietan lortutako nota kontuan hartzeko, ikasleak 5 puntu edo gehiago lortu beharko ditu eta euren denbora-balioa Onarpen Faseko irakasgai guztien bezalakoa izango da. Onarpenerako, ikaslearentzat onuragarrienak diren 2 kalifikazioak erabiliko dira.

Ikasleak Onarpen Faseko ikasgaietako ariketetan lortutako kalifikazioek proba gainditu eta berehala hasten den ikasturtean eta hurrengo bi ikasturteetan izango dute balioa.

Izena ematen duenean, ikasleak adierazi beharko du zein irakasgaiaren azterketa egingo duen Onarpen Fasean, bigarren atal hau egingo badu.

Gai baten ariketak berak izango dira Sarbide Fasean nahiz Onarpen Fasean. Irakasgai bakoitzak galdera kopuru zehatz bat izango du, aukera emanez ikasleei galdera batzuen artean gehienezko puntuaketa emaitza lortu ahal izateko.

Azterketa bakoitzak ordu eta erdi iraungo du. Gai bakoitzari 0 puntutik 10 puntura bitartean emango zaio. Nota kontuan hartzeko, ikasleak 5 puntu edo gehiago lortu beharko ditu.

Batxilergoko notaren eta sarbide faseren kalifikazioaren artean egindako batez besteko nota haztatuan (%60 batxilergoari dagokio eta %40 sarbide faseri) 5 puntu edo gehiago lortuz gero, proba gainditutzat joko da, baldin eta ikasleak sarbide fasean gutxienez 4 puntu lortu baditu.

Nahi izanez gero, sarbide faseko kalifikazioa edo onarpen faseko gairen bateko kalifikazioa hobetzeko aukera ematen da. Azken deialdian lortutako kalifikazioa hartuko da kontuan, betiere aurrekoa baino hobea bada. Sarbide fasea gaindituz gero, nota hori gorde egingo zaio ikasleari mugarik gabe; onarpen faseko notak, berriz, proba gainditu eta berehala hasten den ikasturtean eta hurrengo bi ikasturteetan izango dute balioa.

1. Kalifikazioak argitaratu ondoren, ikasle bakoitzak, edo, adingabekoak izanez gero, haien gurasoek edo legezko tutoreek, ebaluazio-irizpide orokorrak eta zuzentzeko eta kalifikatzeko irizpide espezifikoak gaizki aplikatu direla uste den ariketak berrikusteko eskaera aurkeztu ahal izango dute epaimahaiko presidentearen aurrean. Berrikuspen-eskaerak aurkezteko epea hiru egun baliodunekoa izango da, kalifikazioak argitaratu eta hurrengo egunetik aurrera.

2. Berrikuspen-eskaeraren xede izan diren ariketak irakasle espezialista batek zuzenduko ditu, eta ez lehen zuzenketa egin zuenak. Azken horrek hasierako berrikuspena egingo du, alderdi guztiak ebaluatu direla eta azken kalifikazioa kalkulatzeko prozesuan akats materialik edo aritmetikorik ez dagoela egiaztatzeko. Hala badagokio, kalifikazioa zuzenduko da, eta ezin izango da lehen zuzenketan emandakoa baino txikiagoa izan.

   Ondoren, ariketaren bigarren zuzenketa osoa egingo da, ebaluatzeko irizpide orokorrak eta kalifikazio- eta zuzenketa-irizpide espezifikoak behar bezala aplikatu direla egiaztatzeko. Ariketaren azken kalifikazioa lehenengo zuzenketaren ondoren emandako kalifikazioaren edo, hala badagokio, zuzendutakoaren eta bigarren zuzenketan emandako kalifikazioaren arteko batez besteko aritmetikoa izango da. Bi kalifikazio horien artean bi puntu edo gehiagoko aldea badago, aurrekoez bestelako bi pertsonak hirugarren zuzenketa bat egingo dute ofizioz. Azken kalifikazioa bi pertsona horiek adostutakoa izango da.
   Prozedura hori gehienez ere bost egun balioduneko epean egin beharko da, berrikuspen-eskaera aurkezteko ezarritako epea amaitu eta hurrengo egunetik zenbatzen hasita.

3. Berrikuspen-prozesua amaitutakoan, antolaketa-batzordeak behin betiko kalifikazioak ezartzen dituen ebazpena hartuko du, eta erreklamatzaileei jakinaraziko die. Ebazpenak amaiera emango dio administrazio-bideari.

4. Ebazpenaren aurka aukerako berraztertze-errekurtsoa jarri ahal izango zaio ebazpena eman zuen organoari, edo zuzenean aurkaratu ahal izango dira administrazioarekiko auzien jurisdikzioan.

5.  

   Ikasleak eskubidea izango du ezarritako berrikuspen-prozesu osoa amaitu ondoren berrikusitako ariketak ikusteko, hamar egun balioduneko epean, berrikuspenaren ebazpena jakinarazi eta hurrengo egunetik zenbatzen hasita.

Eskaera kopurua plaza kopurua baino handiagoa den graduetan, onarpen-nota erabiliko da plazak esleitzeko. Onarpen-nota formula honen arabera kalkulatzen da:

• Onarpen-nota (GON) = 0,6* BK + 0,4* SFK + C1* M1 + C2* M2
  • BK = Batxilergoko kalifikazioa
  • SFK = Sarbide faseko kalifikazioa
  • M1 eta M2 = Onarpen Faserako gainditutako irakasgaien kalifikazioak
  • C1 eta C2 = Haztapen koefizienteak