Beste hezkuntza sistema batzuetatik datozen ikasleak sartzeko bidea

I. – EBko herrialdeetan edo elkarrekikotasun hitzarmena sinatua daukaten herrialdeetan egindako ikasketak dauzkatenak.

1.– Halako ikasketak dituztenek unibertsitatera sartzeko aukera dute, baldin eta kasuan kasuko herrialdean unibertsitatera sartzeko baldintzak betetzen badituzte.

2.– USNa izango da UHUNek emandako ziurtagirian agertzen dena.

3.– GONa kalkulatzeko kontuan hartuko da edozein unibertsitatetan egindako USPko onarpen fasea eta/edo UHUNeko gaitasun espezifikoen probetako (GEP) kalifikazioa.

4.– Onarpen nota hobetzeko, ikasleak berriz aurkeztu ahal izango dira aztergai diren gaietako edozeinetara edozein unibertsitatetan, edo UHUNeko gaitasun espezifikoen probetara (GEP).

II.– Elkarrekikotasun hitzarmenik gabeko herrialdeetan egindako ikasketak dauzkatenak.

1.– Gobernuak arautu artean atzerriko ikasketak dauzkaten ikasleek unibertsitatera sartzeko egin beharreko proba, ikasle horiek unibertsitate honetan edo beste edozeinetan egin ahal izango dute USPa, Batxilergo titulua behin homologatuta. Homologazio agirian agertzen den Batxilergoko modalitatera aurkeztu beharko dira. Agirian ez bada agertzen Batxilergoko modalitaterik, nahi duten modalitatean egin ahal izango dute USPa.

Bestela, USParen ordez, GEP azterketak (gaitasun espezifikoetako probak) egin ditzakete Urrutiko Hezkuntzarako Unibertsitate Nazionalean (UHUN), baliokideak baitira.

2.– GEPen edukia.

Nahi dutenak gaitasun espezifikoen probetara aurkeztu ahal izango dira (gehienez ere sei gairen azterketetara), sarrera nota bat lortzeko eta, gura izanez gero, onarpen nota hobetzeko.

UPV/EHUk honako formula hau erabiliko du SARRERA NOTA kalkulatzeko:

Sarrera nota = (BBN x 0,2 + 4) + 0,1xGEP1 + 0,1xGEP2 + 0,1xGEP3 + 0,1xGEP4

Proba gainditutzat jotzeko, ikasleak gutxienez bi azterketa gainditu beharko ditu (hau da, gutxienez 5,0 atera bi gaitan), eta GEP gehiagotara aurkeztu bada, lau kalifikaziorik onenak hartuko zaizkio kontuan.

Izanez:

BBN = Batxilergoko batez besteko nota.

GEP = UHUNeko gaitasun espezifikoen proba.

III – Unibertsitate ikasketak dauzkatenak.

Honako hauek zuzenean sartu ahal izango dira unibertsitateko gradu ofizialetara:

a) Unibertsitateko gradu edo master titulu ofizial bat edo baliokide bat daukatenak.

b) Unibertsitateko diplomatu, arkitekto tekniko, ingeniari tekniko, lizentziatu, arkitekto edo ingeniari titulu ofiziala edo haien baliokidea daukatenak, unibertsitateko ikasketen lehengo antolaketaren arabera.

c) Espainiako unibertsitate batean ikasketen zati bat eginda daukatenak, baldin eta betetzen badute UPV/EHUko Graduko Ikasketen Gestiorako Arautegiko 11. artikuluan ezarritakoa.

d) Atzerriko unibertsitate batean ikasketen zati bat egin dutenak edo, atzerrian unibertsitateko ikasketak amaituta izanik, Espainian homologaziorik edo baliokidetzarik lortu ez, eta Espainiako unibertsitate batean ikasten jarraitu nahi dutenak. Kasu horretan UPV/EHUko Graduko Ikasketen Gestiorako Arautegiko 12. artikuluan ezarritako baldintzak bete beharko dituzte.