FITOTRONA ETA BEROTEGIA
Aurkezpena
"Landare materialaren hazkuntza kontrolpeko baldintzetan: fitotroia eta berotegia" zerbitzua Euskal Herriko Unibertsitateko (UPV/EHU) SGIker Ikerkuntzarako Zerbitzu Orokorrei atxikita dago, eta haren helburu nagusia ikerkuntza eta beste asmo zientifiko batzuk laguntzea da, unibertsitateko irakaskuntza barne.
Zerbitzuaren helburuak honako hauek dira: landare-materiala haztea eta ikerketarako lurzoruekin esperimentatzea, zientzia-, teknologia- eta irakaskuntza-helburuekin, kontrolatutako baldintzetan, eta Kromatografia ionikoaren bidezko analitoak zehaztea lagin biologikoetan, farmazeutikoetan, elikagaietan edo ingurumenekoetan, besteak beste.
Zerbitzuak aholkularitza zientifiko-teknikoa ere ematen die, landare-espezieen hazkuntzarekin eta kromatografia ionikoarekin lotutako gaietan, unibertsitate-komunitateari eta zerbitzuak eskatzen dituzten beste erakunde publiko edo pribatu batzuei.
Zerbitzuaren barruan bi atal bereizi daude: laborantza eta Berotegi Ganberen Atala eta Kromatografia ionikoaren Atala.
Laborantza eta negutegi Ganberen atala
Atal honetan garatzen diren jarduerak landare-espezieen barietate zabal baten laborantzarekin lotuta daude (in vitro laborantzara, algen laborantzara eta lurzoruen inkubazioetara zabal daitekeena), substratu mota desberdinekin (hidroponikoa, lurzoruak, substratuan haztea, etab.) eta hazkuntza- eta inkubazio-baldintza askotan. Gainera, ingurumen-parametroak kontrolatzen dira, bai atmosferakoak (tenperatura, argia, hezetasuna, etab.), bai edafikoak (lurzoruaren hezetasuna, gazitasuna, etab.), bai nutrizio-baldintzak. Fitotroiek aukera ematen dute muturreko baldintza klimatikoak simulatzeko: hoztea, tenperatura altuak, fotoinhibizio-baldintzak, lehortea, klima-aldaketa, etab.
Kromatografia ionikoaren atala
Katioien, anioi organiko eta inorganikoen eta karbohidratoen eta Cr VIren zehaztapen analitikoa, besteak beste, Thermo Fisher Scientific konpainiaren DIONEX ICS-5000+ Kromatografo ioniko baten bidez egiten da. Ekipoak konduktibitate-detektagailua, amperometria eta ultramore-detektagailua ditu, eta Chromeleon programaren 7.1 bertsioak kontrolatzen du.