Oso pozik gaude gure 20. urteurrena ospatzeagatik. UPV/EHUk 2003an ekin zion Garapen Lankidetzako Gradu Amaierako Praktika eta Lanen Programari. Urte hauetan, zuen laguntzari, inplikazioari eta lanari esker, programa hau handituz joan da eta praktika onen unibertsitate-erreferente bihurtu da.

2023ko maiatzaren 23an ekitaldi bat egingo dugu Bizkaia Aretoan, 20. urteurrena ospatzeko. Ilusio handiz ari gara antolatzen topaketa hori, eta gustatuko litzaiguke zu bertan egotea eta zure babesa eskertzea.

Datozen asteetan xehetasun eta ezusteko guztien berri emango dugu.

Zure zain gaude.