Metodologia

Bilboko Ingeniaritza Eskolan, "Espazio Gela" izeneko gela espezifiko bat egokitu da, eta behatoki astronomiko bat jartzen ari dira bertan, Eskolaren eta Bizkaiko Foru Aldundiaren arteko lankidetza hitzarmen bati esker. Eskolak gela horretan emango dira, baita sailetako eta lotura duten enpresa/zentro teknologietako hainbat laborategitan ere. Espazio Gelan, ikasle bakoitzak ordenagailu bat izango du. Masterrak 60 kreditu ditu; beraz, arduraldi osoz jardunez gero, ikasturte bakarrean egiten da. Eskolak aurrez aurrekoak dira, eta ordutegia laneko ordutegiarekin bateragarria izateko moduan ezarri da; dena den, horrelakoetan, eskolaldia bi ikasturtetan banatzea gomendatzen dugu. Nahitaezko irakasgaiak ikasturtearen hasieratik abendura arte ematen dira (3 kredituko 8 irakasgai), hautazko irakasgaiak urtarriletik apirilera (3 kredituko 7 irakasgai egin behar dira, aukeran dauden 14en artean), eta Master Amaierako Lana (15 kreditu) ikasturtea irailean amaitu aurretik defendatu beharko da.

Ebaluazioa

Irakasgaien arabera, askotariko ebaluazio formulak erabiliko dira: ebaluazio etengabea, lanak, laborategietako praktikak, amaierako azterketa..... Master Amaierako Lana txosten modura aurkeztu, eta horretarako izendatutako batzorde baten aurrean defendatu beharko da.