Metodologia

Pinturako masterra ikasleek tailerrean egiten duten lan praktikoaren inguruan eta ikasleek eta irakasleek egindako prozesu eta emaitzen jarraipenaren inguruan antolatuko da. Prestakuntza praktikoa osatzen eta sostengatzen duten eduki teorikoak barne hartzen ditu.Nahitaezko eta hautazko irakasgaiak daude eta teorikoak, praktikoak edo teoriko-praktikoak izan daitezke. Iraupena urtebetekoa da kasu guztietan.Masterrean kanpoko praktikak egiten dira artearen praktika, irakaskuntza eta erakusketarekin lotutako erakunde eta enpresetan eta nahitaezkoak dira.Masterrean egin beharreko lanak alderdi desberdinak izango ditu: klase teorikoak, tutoretzak, mintegiak, tailerreko lana eta kanpoko praktikak.Jarduera guztiak master amaierako lan bat egitera bideratuta egongo dira. Lan hori izango da ikasleek egindako obren erakusketa bat, obra horiei buruzko katalogo edo txosten dokumentatu batek osatuko duena.

Ebaluazioa

Irakasgai bakoitzaren ebaluazio zehatza masterraren webgunean argitara emandako informazioan ageriko da. Irakasgaiak, oro, aurrez aurreko edo ikasgelakoak dira eta, horregatik, beste batzuekin batera ebaluatuko den elementua izango da, irakasgai bakoitzean zehazki balioetsiko delarik. Beraz, nota hau ikasleak irakasgai bakoitzean izan duen erantzunaren arabera zehaztuko da.Masterreko irakasleen klaustroa ikasturtera biltzen da ikasle bakoitzak izandako esperientzia ezberdinak balioetsi eta erkatzeko.Masterraren azken kalifikazioa Master Amaierako Lanaren ebaluazioa egiterakoan emango da. Lan hori jendaurrean azalduko da eta banaka defendatuko da epaimahai baten aurrean. Master Amaierako Lana azaldu eta defendatu ahal izateko, irakasgai guztiak gaindituta eduki beharko dira. Ebaluazio irizpideek aurkeztutako emaitzen planteamendu profesionala izango dute kontuan, honako alderdi hauei dagokienez: kalitatea, berrikuntza, aukera, baliabide teknikoen erabilera eta lanen dokumentazio edo katalogazioaren kalitatea.Erreklamaziorik edo bestelako gorabeherarik egonez gero, lehenengo erabakia Masterren Batzorde Akademikoak hartuko du eta irtenbide egokirik aurkitu ezean, ohiko prozedura erabiliko da Margolaritza Sailaren, Arte Ederren Fakultatearen edo UPV/EHUko errektorearen aurrean.