Metodologia

Irakastaldia urrian hasten da. Aholkulari akademiko pertsonal batek lagunduko dio ikasle bakoitzari irakasgaiak aukeratzen eta programa arrakastaz bururatzen. Erregela orokor gisa, hasieran ikasleak nahitaezko irakasgaietan emango du denborarik gehiena; aurrerantzean, berriz, ikerketa-lanean (master-tesia egiten) eta hautazko irakasgaietan jardungo du, batez ere.Irakasgaietako irakaskuntza-metodologian irakaspen-hitzaldiak eta problema praktikoak sartuko dira. Irakasgai bat mintegiz osatuko dira, nanozientzia edo/eta nanoteknologian gai aurreratuetan aditu direnek emanak.Ikasleek nork bere ikerketa-proiektua garatzen emango dute, master-tesia egin ahal izateko. Nazioartean ospe nabarmena duten ikerketa-taldeek hartuko dituzte ikasleak, lehen mailako ingurune zientifikoa emanez, eta horrek lagundu egingo die ikasleei beren zientzia-ikerketako proiektua burutzeko beharrezko gaitasunak lortzen. Master-programan hasitako ikerketa-lana izan daiteke doktoregorako ikerketa-lanaren abiapuntu ere, eta horrek azkenean Europar doktoregoa (Doctor Europeus) lortzera eraman ditzake.Are gehiago, ikasleek aukera izango dute inguruko Zentro Teknologikoekin harreman estuan ikerketa-jarduerak egiteko, CIC Nanogunek koordinatuta. Azkenean, ikaslea gai izango da zuzeneko harremana izateko goi mailako ikertzaileekin, beste erakunde batzuk bisitatuz, eta nazioartean ospe handiko zentroetan egonaldi zientifiko gehigarriak eginez.

Ebaluazioa

Irakasgai bakoitzaren ezaugarri berezien arabera, ebaluazio-metodo desberdinak erabil daitezke:Azterketa idatziak Lan-aurkezpenak, ahoz nahiz idatziz. Ariketa praktikoak, irakasgaien eduki kontzeptualari buruzkoak. Master-tesiaren proiektuaren emaitzen jendaurreko aurkezpen eta defentsa prestakuntza garaiko batzorde zientifiko baten aurrean egingo da