Metodologia

Masterrak bost irakasgai ditu: masterreko lau gaikako blokeak gehi metodologikoa. Bost irakasgai horiek, gehi MAL delakoak, 60 ECTS kreditu suposatzen dituzte. Horiek, ikasturte batean egiten dira, nahiz eta bi urtetan matrikula partziala egiteko aukera dagoen ere.Modalitate akademikoa ikasgelako nahiz kanpoko irakaskuntza da: aurrez aurreko irakaskuntzak 7,5 kreditu hartzen ditu; ikasgelaz kanpokoak 33,5 kreditu. Azken hori on line norbanako lanaren bidez gauzatzen da. Ikasgelaz kanpoko irakaskuntza osatzeko, tutoretza pertsonalizatuak eta taldekoak (aurrez aurre) egingo dira, norbanako lanari eta master amaierako tesinari (19 kreditu) laguntzeko.Aurrez aurreko modalitatean egongo dira: aurkezpen teorikoak mintegitan, praktikak gelan eta ordenagailu gelan, gonbidatutako irakasleen hitzaldiak, etab. Ikasgelaz kanpoko modalitatea on line norbanako lanaren bidez gauzatuko da. Horretarako, tutoretza pertsonalizatuak eta taldekako tutoretzat aurreikusita daude, egutegiaren eta ikasleen eskuragarritasunaren arabera antolatuko direnak.Eskolez gain, azken lan praktiko bat egin beharko da masterrean. Lan horrek master osoaren 19 kreditu suposatzen ditu eta, bertan, aurrez aurreko eskoletan barneraturiko edukiak eta gaitasunak aplikatu beharko dira. Masterreko irakasleetako batek uneoro gidatuko du lan honen garapena.

Ebaluazioa

Ikasleak ebaluatzeko xedearekin, ondoko irizpideak aplikatuko dira. Lehenik eta behin, derrigorrezkoa da aurrez aurreko eskoletara bertaratzea. Bigarrenez, irakasgai bakoitzerako eta horren ardura duen irakasle baten gidaritzapean, ikasle bakoitzak lan pertsonal bat egin beharko du. Lana entregatzeko data aldez aurretik finkatua egongo da. Hirugarrenez, eta masterreko funtsezko osagai gisara, ikasle bakoitzak master amaierako ikerketa lan bat egin beharko du. Dagokion tutoreak lan horren garapena gainbegiratuko du uneoro.