Masterraren Gakoak
Gobernantza eta Politika Ikasketak Masterra EAEn eskaintzen den era honetako graduondoko programa bakarra da. Programa honen bidez, sakondu eta ikertu egin daiteke Politika eta Administrazio Zientziaren arloan, askotariko interesak barne hartzen dituen ikerketa lerroen aukera zabal eta eguneratu baten bitartez: prozesu demokratikoak eta globalizazioa, analisi politikoa, administrazioa eta politika publikoak, XXI. mendeko teoria politikoa eta ideologiak, parte hartze politikoa eta gobernantza, gobernu elektronikoa, erakunde publikoak eta gizarte mugimenduak, ingurumen politikak, desazkundea eta feminismoa, administrazioaren modernizazioa, ekintza kolektiboa eta gatazka politikoa eskualdetze eta pribatizazio prozesuetan.
Programak ikertzeko gaitasuna eman nahi die ikasleei, eta ikuspegi aurreratu bat eskaini Politika eta Administrazio Zientziaren arloko egungo eztabaida egituratzen duten gai nagusiei buruz, graduko ikasketetan emandakoaren osagarri izango den ikuspegia. Ondoren doktorego tesia idazteko asmoa dutenei eta Politika eta Administrazio Zientziako doktorego programan sartu nahi dutenei dago zuzenduta, baita aplikazio profesionala eman diotenei ere, aholkularitzaren eta politika eta administrazioko erakundeen munduan.
Masterrak Gizartea, Politika eta Kultura doktorego programan zuzenean sartzeko aukera emango dizu.
