Metodologia

Masterraren Programak 60 ECTS kreditu ditu: 1 ECTS kreditu 25 lan orduren baliokidea da.Masterrean matrikulatutako ikasle guztiek 15 oinarrizko kreditu osatu behar dituzte (arruntak), eta Master Amaierako Lana (15 kreditu) egin behar dute. Gainerako 30 kredituei dagozkien gaiak aukeratzeko, ikasleak bere ikasketa plana diseinatuko du, bere tutorearen laguntzaz. Planak kontuan hartuko ditu masterreko gaiak amortizatzeko eta baliozkotzeko aukerak, eta haren espezializazioa eskainitako hiru lerroetako batean, baldin eta lerro horretan hiru gai gutxienez garatzen badira (18 kreditu). Prestakuntza Programa espezialitate aipamenik gabe ere egin daiteke, eta Masterraren Batzorde Akademikoa arduratzen da aurkeztutako plana onartzeaz.Masterrak hainbat eratako jarduerak aurreikusten ditu gai bakoitzean: eskola magistralak, mintegiak, tailerrak, etab. Lehen batean, gai guztiak dagokien seihilekoan gainditu behar dira.Lehenengo seihilekoan (irailetik urtarrilera), hautatutako gaiak lantzen dituzte ikasleek; bigarren seihilekoan (otsailetik maiatzera), hautatutako gaiak ez ezik, Ikerketa Hastapen Tailerra ere egiten da, helburu nagusitzat duena ikerketa gaitasuna eta argitalpen akademikoen prestakuntza lantzea. Programa Master Amaierako Lanarekin amaitzen da, uztailaren amaieran aurkeztu behar dena.Masterraren tesiak ikerketa gai espezifiko bat garatzen du. Ikerketa plan zehatz baten emaitza izan behar du, eta haren edukiek doktorego tesiaren kapitulu bat edo gehiago era ditzakete. Tesia euskaraz, ingelesez edo gaztelaniaz aurkez badaiteke ere, beste hizkuntza bat erabiltzeko baimena eman diezaioke Batzorde Akademikoak ikasleari. Masterreko lanen aurrerapenak Ikerketa Tailerrean aurkezten dira.

Ebaluazioa

Gai bakoitzak bere ebaluazio metodoak ditu, eta haren programa espezifikoan zehaztuta daude. Ikasleek eskatuta, beste ebaluazio prozedura batzuk ere erabil daitezke, gaiaz arduratzen diren irakasleekin adostuta.Amortizatu edo baliozkotu diren gaiak ez dira ebaluatuko. Kasu horretan, ikasleak dagokion amortizazioa edo baliozkotzea eskatuko du.Master Amaierako Lanaren ebaluazioa: tutoreak Master Amaierako Lanaren balorazio positiboa egin ondoren, ikasleak ahozko proba bat gainditu beharko du, Masterraren Azterketa Batzordearen aurrean.