Konposite termoplastiko berrien fabrikazio-prozesu iraunkorrak eta adimendunak

ZE-KONP proiektuaren helburu nagusia da konposite termoplastiko funtzionalen egiturak fabrikatzeko eta osatzeko teknologien garapenean aurrera egitea, zuntz jarraituaz eta etenaz indartuta, balio erantsi handiko produktu berriak sortzeko. Materialen konposizioa, prozesuko sentsoreen inplementazioa, produktuen optimizazio topologikoa, prozesuen modelizazioa eta simulazioa, fabrikazio-teknologien (tape-laying, 3D inprimaketa eta konpresio eta injekzio bidezko gainmoldekatzea) konbinazioaren bidez egitura hibridoak lortzea eta produktuen eta prozesuen bizi-amaierako analisiari ekitea ikertzen dira.