Lydia Vázquez Jiménez Euskal Herriko Unibertsitateko katedradunak Frantziako Errepublikako Arteen eta Letren Zaldunaren intsignia jaso zuen Marianne Carré Bilboko Frantziako kontsul nagusi eta Frantziako Institutuko zuzendari delegatuaren eskutik.

Frantzian kulturaren arloan jaso daitekeen kondekoraziorik gorenetakoa da eta artearen esparruan egindako sorkuntzagatik saritzen dira pertsona ospetsuak. Atzerritar batek sari hori jaso dezan, bere herrialdearen eta Frantziaren arteko elkarrizketa kulturalari egiten dion ekarpena hartzen da kontuan.

Lydia Vázquez Jiménez espezializatuta dago XVIII. mendeko frantses literaturan, beste arte batzuekin alderatuta, eta literatur itzulpengintza. UPV/EHUn doktoratu zen, XVIII. mendeko literatura frantsesari buruzko tesi batekin. Ikergai izan ditu literatura erotikoa, literatura eta generoa, literatura frankofonoen eta espainiarren harrera eta literatura eta animaliak. UPV/EHUko Frantziako Ikasketen Genero Ikertaldeko ikertzaile nagusia da.