Deialdia

Doktorego ikasleen artean dibulgazio jarduera sustatzeko eta haren ikerketa emaitzak gizarteari hurbiltzeko, Espainiako Unibertsitateetako Errektoreen Konferentziako (CRUE) Dibulgazio eta Kultura Zientifikoko Sareak (RedDivulga), Ignacio Larramendi Fundazioarekin batera, "#HiloTesis: zure doktorego tesia sare sozialetan" lehiaketaren IV. edizioaren deialdia proposatu du.

#HiloTesis ekimenaren helburua da Doktoregoko ikasleen artean dibulgazio-jarduera sustatzea, beren ikerketaren emaitzak gizarteari erakuts diezazkioten eta beren lana zertan datzan, nola egiten duten eta helburua zein den azal dezaten. Komunikatzeko formula da hari formatuko ikerketa-lanari buruzko informazioa argitaratzea sare sozialetan: X, Threads, BlueSky edo Mastodon, edo irudi-karrusel baten bidez Instagramen. Hariak argitaratzeko epea ekainaren 1ean hasi eta hil bereko 15ean amaituko da.

Doktorego-tesia egiten ari direnentzat eta azken 12 hilabeteetan tesia amaitu eta defendatu dutenentzat dago irekita lehiaketa. UPV/EHUtik parte hartzen dutenek, lehenik eta behin, Larramendi Fundazioak estatu mailan ematen dituen 500 euroko sei sarietako bat jaso ahalko dute, eta, bestetik, UPV/EHUk ematen duen sari bat, EHUdendaren 300 euroko bonu bat.