Finantza Merkatuak eta Banka Pribatua Masterrak, Enpresa Institutua-Enpresari Aplikatutako Ekonomiaren Institutuak (UPV/EHU) antolatua, prestakuntza integrala eskaintzen du finantza merkatuetan, aktiboen kudeaketan, banku pribatuan eta finantza aholkularitzan. Gainera, Balore Merkatuaren Batzorde Nazionalak (CNMV) akreditatu du Aholkularitza Jarduera garatzeko gaikuntza emateko.

Programaren xedea da sektoreko profesionalik onenak prestatzea, dinamikoak izateko, analisirako gaitasuna edukitzeko eta ezagutza teoriko eta praktiko handiak eskuratzeko, gero eta zorrotzagoa den finantza sektorera zuzentzeko eta egokitzeko trebetasunak eta gaitasunak lortzeko.

Finantza merkatuak eta haren kudeaketak duten zailtasun gero eta handiagoak, produktu berri eta sofistikatuen agerraldiarekin, kudeatzaileak behartzen ditu ohiko aukerak eta aukera berriak ondo ezagutzera.

Finantza Merkatuak eta Banka Pribatua Masterrak asmo handiko programa eta maila altuko prestakuntza garatzen ditu honako esparru hauetan: arriskuen, merkatuen eta produktu eratorrien datuak aztertzea eta modelizatzea; zorroen kudeaketa; inbertsio alternatiboak; finantza aholkularitza eta gizartearekiko arduratsua den inbertsoa (ESG); eta, horretarako, finantza sektorearen erronkak eta joerak gehitzen ditu, irakasleen eta gure inguruko finantza erakunde nagusietako profesionalen eskutik.

Masterra modulu egiturarekin planteatzen da, eta aukera dago modu intentsiboan egiteko edo hori osatzen duten unibertsitate espezializazioko tituluak banan-banan egiteko; hala, ikasleen egoera profesionaletara eta pertsonaletara egokitu daiteke.

Urte hauetan zehar, zuzendaritzak harreman profesionaleko foro iraunkor baten sorrera eta garapena sustatu du, erronka berriei aurre egiteko gaitasunak hobetu eta kideen proiekzioa bultzatu ahal izateko.

Finantza merkatuek duten zailtasun gero eta handiagoak sektorera zuzentzeko eta egokitzeko trebeziak eta gaitasunak dituzten profesionalak eskatzen ditu; izan ere, gero eta sofistikazio handiagoa eta merkatuen eta inbertitzaileen eskaera maila gero eta altuagoari erantzuna emateko prestakuntza beharrezkoa da.

Finantza sektoreak planteatzen dituen erronka profesionalak betetzeko Masterrean honako konpromiso hauek ditugu:

Programa eta Metodologia

Finantza merkatuei, inbertsioen kudeaketari eta finantza aholkularitzari buruzko prestakuntza integrala eta maila altuenekoa ematen da. Horren bidez, zure garapen profesionala eta zure karreran agertzen diren erronketara modu seguruan eta sortzailean egokitzeko gaitasuna lortuko dituzu.

Metodologia berritzailea, programa osatzen duten irakasgaien irakaskuntza presentziala, simulazio praktikoak eta kasuen ebazpenak konbinatzen dituena, ikastaroaren jarraipena egiteko online plataforma baten laguntzarekin.

CNMVk akreditatutako titulua

Balore Merkatuaren Batzorde Nazionalak akreditatutako titulazioa, finantza aholkularitzako jarduera gauzatzeko gaikuntza gisa (MiFID II) (MiFID II Europako Zuzentarauaren eskakizunen arabera).

Irakasleak

Irakasleak jardunean dauden adituak eta profesionalak dira, ardura handiko postuak dituztenak finantza erakundeetan. Horri esker, saio bakoitza irakaskuntza esperientzia da, eduki teorikoak eta haien ezagutze eta lehen eskuko esperientzia konbinatuta.

Malgutasuna

Masterra modu intentsiboan edo moduluka egin daiteke; horrela, ikasleen egoera profesionaletara eta pertsonaletara egokitu daiteke.

Praktikak

Borondatezko praktikak egiteko aukera dago, gure inguruko finantza erakunde nagusiekin ditugun lankidetza hitzarmenei esker: Rural Kutxa, Renta 4 Banco, Norwealth SA, Bankinter, Banca March, Laboral Kutxa, Balio Optimoa (EAF) eta BBVArekin, besteak beste.

Enplegagarritasuna eta Networkinga

Gure 15 urteko esperientzian egresatuen % 95ek egiten dute beren jarduera finantza sektorean eta haietako askok aukera profesional berriak aurkitu dituzte sektorearen barruan.

Gure kontaktuen sare zabalak eta 2008tik prestatu diren 400 profesionalek baino gehiagok osatzen duten alumni sareak aukera ematen dute, Masterra amaitu ostean, lan-poltsara sartzeko eta jardunaldietan eta mintegietan parte hartzeko.

Prezio publikoa

Master hau zerbitzurako bokazioa duen unibertsitate publiko batean egiten da (UPV/EHU); horregatik, bere esku dauden baliabide guztiak jartzen ditu. Horri esker, kalitatezko prestakuntza ematen du, masterra egiten dutenen enplegagarritasuna eta garapen pertsonala hobetzeko, oso prezio lehiakorrean.

• Finantza merkatuen esparruan (finantza erakundeetan edo enpresan) beren jarduera garatu nahi duten unibertsitate tituludun pertsonak.

• Inbertsio zerbitzuen enpresetan (finantza erakundeak, balore sozietate eta agentziak, kudeaketa sozietateak, EAFak, aseguru etxeak, finantza agenteak, eta abar) lan egiten duten eta beren garapen profesionala hobetu nahi duten profesionalak.

Sartzeko titulazioak irekiak dira; izan ere, honako karrera hauetako graduatu eta lizentziatuek izena eman ahal dute: enpresen administrazioa, ekonomia, zuzenbidea, ingeniaritzak, matematikak, fisika, etab.

Gure geletan prestatu den ikasleen profila honako hauek osatzen dute: finantza sektorean beren jarduera garatzen ari ziren profesionalak, finantzen munduan bere karrera garatu nahi duten eta loturarik ez duten esparruetatik datozen profesionalak (hala nola ingeniaritzak edo zuzenbidea) eta prestakuntza espezializatua lortu nahi duten unibertsitate tituludunak.

Finantza Merkatuak eta Banka Pribatua Masterra (60 kreditu) moduluka planteatzen da eta unibertsitate espezialistako bi tituluk osatzen dute, modu bereizian ikasi ahal direnak:

1. Ondare Kudeaketa eta Banku Pribatua graduondoko titulua (30 kreditu)
2. Finantza Merkatu eta Aktiboen Kudeaketa graduondoko titulua (30 kreditu)

A) Aukera intentsiboa

Masterraren eduki osoa (60 kreditu) egiten duten pertsonek, beharrezko proba akademikoak gainditu ostean, Finantza Merkatuak eta Banka Pribatua Masterra titulua (UPV/EHU) eta finantza aholkularia izateko Balore Merkatuaren Batzorde Nazionalaren (CNMV) akreditazioa lortuko dituzte.

B) Moduluka egiteko aukera

Masterra osatzen duten graduondoko tituluak banan-banan egiteko aukera dago. Bi tituluak egiteak aukera ematen du Finantza Merkatuak eta Banka Pribatua Masterra titulua eta CNMVren akreditazioa lortzeko.

Ondare Kudeaketa eta Banku Pribatua graduondoko titulua gainditzeak Balore Merkatuaren Batzorde Nazionalaren (CNMV) akreditazioa ematen du finantza aholkulari jarduera modu profesionalean egiteko.

Finantza Merkatuak eta Aktiboen Kudeaketa graduondoko tituluan onartua izateko, beharrezkoa da lehenik eta behin Ondare Kudeaketa eta Banku Pribatua (GPBP) graduondoko titulua egitea*.

(*) Masterreko batzorde akademikoak Finantza Merkatuak eta Aktiboen Kudeaketa graduondoko titulurako sarbidea onartu ahal du baldin eta ikasleek Ondare Kudeaketa eta Banku Pribatua graduondoko titulua izan barik ikastaroa ondo egiteko beharrezko ezagutzak dituztela egiaztatzen badute.