Tituluaren gakoak
Graduondoko formazio honek Unibertsitateko Aditu Titulua (15 ECTS) eskainiko die parte hartuko duten ikasleei. Unibertsitatearen berezko ikasketen arloko titulu ofizial baten bermearekin. Eremu sozioekonomikoan euskararen erabilerak aurrera egin dezan ditugun behar eta helburuei erantzun egokia emango dieten profesionalak prestatuko ditu. Hizkuntza-kudeaketaren ikuspegitik eremu sozioekonomikoak zer ezaugarri dituen bereganatuko dute Orobat, nolako garrantzia duen lan munduak hizkuntza biziberritzeko ahaleginetan. Erakunde publiko eta pribatuen arlo sozioekonomikoa euskalduntzeko ekimenez jabetuko dira: Bikain dekretua, EUSLAN eta INDEUS programak, Eremu sozioekonomikorako Plan Estrategikoa, BIZKEUS, LANABES, EUSGARA. Enpresetan euskara planak egiteko gakoak landuko dituzte horretan eskarmentua duten profesionalen eskutik eta esperientzia praktiko arrakastatsuak ezagutu.