Nola funtzionatzen du gizarteak? Boto asmoa iragartzerik ba al dugu? Zer nolako eragina daukate sare sozialek eta internetek gure bizitzan? Nola egin dakieke aurre gizarte desberdintasunei? Eta nola jakin dezakegu aldez aurretik zenbaterainoko arrakasta izango duen app batek edo garbitzeko produktu batek? Gurekin zerikusia duten eta kezka sortzen diguten galderak dira, eta Soziologiak dauka horien eta beste askoren erantzuna.
XXI. mendeak gizarte errealitate global berri bat ekarri digu, oso azkar aldatzen dena eta dudarik gabe teknologia berrien eraginpean dagoena. Soziologiako Graduan aztergai izango dituzu gizarte bizitza, gizarte aldaketa, kultura aniztasuna, taldeak eta komunitateak, eta horien arteko harremanak eta interakzioa, eta metodo zientifikoak erabiliko dituzu gizarte arazo konplexuei erantzuteko.
Gainera, hiru aipamen edo ibilbide izango dituzu espezializatzeko: Gizarte Arazoen Analisia eta Kudeaketa; Gizarte Ongizatea; eta Gizarte Erakundeak, Sareak eta Prozesuak.
Ezagutza arloa
Gizarte eta Lege Zientziak
Ikastegia
Gizarte eta Komunikazio Zientzien Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania
Irakaskuntza mota
Ikasgelako gradua
Kredituaren prezioa 1. matrikulan
13,42 €
Eskainitako plazak
Unibertsitate Kontseiluak baimendu gabe
4 arrazoi gradu hau aukeratzeko
- Ikasiko duzu gizarte aldaketak eta gizabanakoen gainean duten eragina ikusmira kritikoaz aztertzen.
- Ikasiko duzu azterketak egiten giza portaeraren inguruan, metodologia eta tresna ezberdinak erabiltzen gure laborategietan.
- Hiru ibilbide izango dituzu espezializatzeko, gizarte problemak analizatu eta ebazteko gai izango zarelarik.
- Praktiken bidez barrutik ezagutuko dituzu merkatuen ikerketarako enpresetan, GKE eta erakundeetan.
Sarrera-profila
Begi zorrotzeko pertsona bazara, zure gizartean eta beste gizarte batzuetan gertatzen dena ulertu nahi baduzu, gizarte fenomenoen jatorria eta zergatiak aditu nahi badituzu, eta arazoak identifikatu eta aztertu nahi badituzu irtenbideak proposatu eta gizartea hobetzen laguntzeko, Soziologiako Gradua da zure lekua.
Irteera profesionalak
Hainbat arlo profesional eta lanbidetan, sektore publikoan zein pribatuan: enpresetan, administrazio publikoetan, fundazioetan, elkarteetan, gobernuz kanpoko erakundeetan eta unibertsitateetan, besteak beste.
- Gizarte ikerketa aplikatua
- Politika publikoen eta ekintza planen (hirigintza, ingurumena, kultura, hezkuntza...) diseinua, kudeaketa eta ebaluazioa
- Gizarte eta komunitateko esku-hartzea: berdintasunik eza, diskriminazioa eta gizarte bazterketa
- Garapenerako lankidetza
- Galdeketak eta merkatu azterketak
- Coaching-a eta giza baliabideen kudeaketa
Eta irakaskuntzan eta ikerkuntzan ere bai