Ikasgai hau 'Gizarte eta Hezkuntzako Programen Plangintza, Kudeaketa eta Ebaluazioa' izeneko Moduluan kokatzen da. Modulu honen bitartez, gizarte-hezitzaile orok gauzatzen dituen oinarrizko funtzio profesionalak aztertzea da helburua; alegia, hezkuntza-egoeren diagnostikoarekin eta hezkuntza-proiektuen eta -prozesuen plangintzarekin zerikusia duten funtzio profesionalak aztertzea. Zeregin horrek, alabaina, planak, proiektuak eta gizarte eta hezkuntzako programak diseinatzeko, garatzeko eta ebaluatzeko gaitasuna eskatzen du.



Irakasgai honetatik, lanean jardungo dugu, gizarte eta hezkuntzako ebaluazioarekin zerikusia duten oinarriak, oinarrizko kontzeptuak, ereduak, metodoak eta teknikak ezagutzeko eta argitzeko. Azken helburua, beraz, esku hartzeko hainbat testuingurutan aplikatutako ebaluazio-prozesuak diseinatzeko, planifikatzeko eta gerora garatzeko gai izatea da. Horretarako, banaka zein taldeka lan egin beharko da, honako hauetan:

- Ebaluazio-memoria errealak aztertu.

- Ebaluazio-proiektu bat osatzeko arazoak konpondu.

- Tresnak eta probak, simulazioak edo rol-jokoak sortu, praktikan jartzeko eta gerora feed-baka egiteko.

- Programen ebaluazioari dagozkion funtsezko oinarriak, kontzeptuak, ereduak, metodoak eta teknikak erlazionatzeko eta adierazteko gai izan.

- Esku-hartze testuinguru ezberdinetan aplikatzeko oinarrizko ebaluazio proiektu bat diseinatzeko gai izan.

- Ebaluazioaren kokapena esku-hartze programen eta zerbitzuen baitan.

- Gizarte ikerkuntza eta programen ebaluazioa. Oinarri paradigmatikoak eta garapen funtzionala.

- Ebaluazioaren kontzeptua: ebaluazioaren definizioa, ebaluazio motak eta ebaluazio ereduak.

- Programen ebaluaziorako diseinu metodologikoak.

- Programen ebaluaziorako informazioa biltzeko teknikak eta tresnak.

- Informazioaren analisirako sistemak.

- Programen ebaluazio txostenen osaketa.

Ikasketaren abiapuntua ikasleak taldean bideratuko duen hausnarketa prozesua izango da, ikaskuntza kooperatiboaren perspektiba aplikatuz landuko dena. Horrela, talde lana eginez, klaseko azalpenak eta hausnarketak jasoz, eta material bibliografikoen eta ariketa praktikoen azterketan oinarrituz, dagokigun jakintza-arloaren edukietan sakontzen eta gaitasunak eskuratzen ahalegintzeko bidea egingo dugu.



Lan-talde finkoak sortuko dira eta bete beharreko enkargua emango zaie:

1. Ikasgaiaren sintesirako kontzeptu nagusien Mapa Kontzeptuala prestatu.

2. Programa baten Ebaluaziorako Proiektua prestatu eta ikastaldeari aurkeztu.

3. Ekipoaren lan-prozesuaren jarraikortasuna erakutsiko duen ebidentzia:

a. Prozesuko landa-koadernoa osatu (asterokoa moodle-n irekitako wiki-an)



Bestalde, lan-taldeko kide bakoitzari:

4. Gaiari buruzko material osagarri moduko ekarpen libre bat egin dezan eskatuko zaio.



Elementu hauekin guztiekin ekipoek amaieran entregatuko beharko duten Integrazio Karpeta edo Portafolioa osatuko dute.

• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 50
  • Mapa kontzeptuala (%): 30

Ikasgaia gainditzeari begira ebaluaziorako erabiliko diren elementuak izango dira:

- Talde lana: Integrazio Karpeta. Errubrika-eskala baten bitartez karpetaren elementuak, egitura, zuzentasuna eta sakontasuna baloratuko dira. Karpetaren baitan, Ebaluazio Proiektuak % 50 balioko du eta beste elementuek beste % 50.

- Ikaslearen Ekarpen librea: Ezinbestez aurkeztu eta gainditu beharko da kalifikazioa eskuratzeko. Azken notan doiketak egiteko erabiliko da.

- Lan-taldeko kideen arteko koebaluazioa. Azken notan doiketak egiteko erabiliko da.

- Irakaslearen behaketak.

- Amaierako testa. Derrigorrezkoa. Ez da notarako izango. Bere funtzioak ikastaldearen emaitzak ebaluatzeko informazioa eskuratzea izango da.





Horiek guztiak azken notaren % 80 balioko dute.

Moduluaren baitako DILAN lanak notaren beste %20 balioko du.



Ikasleak deialdiari uko egiteko aukera izango du. Horretarako eskaria irakasgaiko irakasleari egin beharko dio idatzi bidez eta azterketetarako zehaztutako garai ofiziala hasi baino hilabete lehenago.



Ebaluazio mistoan parte ez hartzea erabakitzen duen ikasleak, bukaerako proba bakarra egingo du, irakasgaiko jakintzak eta gaitasunak bereganatu dituela egiazta dezan. Proba horrek lan ezberdinak izan ditzake eta irakasgaiko notaren %100 balioko du.

Ezohiko deialdira doan ikasleak garatu beharreko froga idatzia egin beharko du.

The Program Evaluation Standards: How to Assess Evaluations of Educational Programs by The Joint Committee on S Educational Evaluation, James R. Sanders, The Joint Educational Evaluation

Oinarrizko bibliografia

Castillo,S. & Cabrerizo,J. (2011). Evaluación de la intervención socioeducativa: agentes, ámbitos y proyectos. Pearson-Prentice Hall.



Lukas,J.F. & Santiago,K. (2016). Hezkuntza-ebaluazioa. UPV/EHUren Argitalpen Zerbitzua.



Gonzalez Gomez, Lara (2005): Ebaluazioa garapeneko proiektu eta programen kudeaketan. Eusko Jaurlaritzaren Argitalpen Zerbitzua.

Gehiago sakontzeko bibliografia

Amezcua Viedma,C. & Jiménez Lara,A. (1996). Evaluación de programas sociales. Díaz de Santos.

Castillo, S. & Cabrerizo,J. (2011). La práctica de la evaluación en la intervención socioducativa. Materiales e instrumentos. Pearson Educación

Fernandez, T. & Ponce de León, L. (2016). Elaboración, gestión y evaluación de proyectos sociales. Pirámide

Fernandez-Ballesteros, R. (ed.) (2001). Evaluación de programas. Una guía práctica en ámbitos sociales, educativos y de salud. Editorial Síntesis.

Gomez, Miquel (2004). Evaluación de los servicios sociales. Editorial Gedisa

Lukas,J.F., Santiago,C., Oihartzabal.L., Pikabea,I., Forner,A, & Latorre,A. (2000). Hezkuntza ikerkuntzarako hiztegia. Erein.

Martínez Mediano,C. (1996). Evaluación de programas educativos. Investigación evaluativa. Modelos de evaluación de programas. UNED.

Mesonero de Miguel (2005). Ikerketa-proiektuak lantzeko teknikak. UEU

Nirenberg,O., Breawerman,J. & Ruiz,V. (2005). Evaluar para la transformación. Innovaciones en la evaluación de programas y proyectos sociales. Paidós.

Pérez Juste,R. (Coor.). (2000). Evaluación de programas educativos. Revista de Investigación Educativa. V18. N2. Monográfico.

Pérez Juste,R. (2002). Hezkuntza programen ebaluaketa: Oinarrizko kontzeptuak, ikuspuntu nagusiak eta arazoak.Tantak. N27. 53-81.

Pérez Juste,R. (2006). Evaluación de programas educativos. La Muralla.

Pozo C., Alonso, E. & Hernandez, S. (ed.) (2004). Teoría, modelos y métodos en evaluación de programas. Grupo Editorial Universitario

Rebolloso, E.; Fernandez-Ramirez, B.; Canton, P. (2008). Evaluación de programas de intervención social. Síntesis.

Stufflebeam,D.L. & Shinkfield,A.J. (1989). Evaluación sistemática: guía teórica y práctica. Paidós.

Aldizkariak

- TANTAK - Euskal Herriko Unibertsitateko Hezkuntza Aldizkaria
- RELIEVE - Revista ELectrónica de Investigación y EValuaciòn Educativa - http://www.uv.es/RELIEVE/
- Revista SEE - Sociedad Española de Evaluación - http://www.sociedadevaluacion.org/web/index.php?q=taxonomy/term/58

Web helbideak

http://www.isei-ivei.net/eusk/ebal/ebaindex.htm
https://www.educacion.navarra.es/eu/web/dpto/evaluacion-y-calidad
http://www.ediagnostikoak.net/
https://www.sqep.ca/
http://www.europeanevaluation.org/
http://www.uneval.org/