Biopatologia estrukturalak gaixotasunaren azpian dauden asaldurak aztertzen ditu, maila organiko, tisular, zelular eta molekularren azterketa sekuentzialerako diseinatutako analisi estrukturalen metodoen bidez froga daitezkeenak. Irakasgai hau Farmazia Graduko hirugarren mailan ematen da, eta hautazkoa da; beraz, nahitaezkoa da edukiak azterketa orokorrera edo animalia-zelulen oinarrizko jardueren aldaketetara mugatzea.



Biopatologia Estruktural Orokorra ulertzeak gaixotasunen etiopatogeniari lotutako ezagutza anatomiko, histologiko, zitologiko, genetiko, biokimiko, fisiologiko eta fisiopatologikoen laburpena egitea dakarrenez, komeni da ikasleak aurretik diziplina horiek ikasi izana.



Azpimarratu behar da Biopatologia Estruktural Orokorrak duen garrantzia, sendagaietan adituak behar bezala prestatzeko, prebentziorako edo tratamendurako, bai eta izan ditzakeen ondorio kaltegarriak ere, eta gaixotasunen oinarri zientifikoak ezagutzea.

1. Osagai zelularrak eta horiek giza gorputzaren fisiologian duten egitura-antolamendua erlazionatzea, eta patologian dauden asaldurak interpretatzea, bai maila molekularrean, bai zelularrean, bai eta tisularrean.



2. Zelula-prozesuak eta zelularen erregulazioa giza gorputzaren fisiologian erlazionatzea, bai eta zelula baten zatiketa-prozesua aldatzen duten kausak aztertzea ere, horren ondorioak maila zelularrean eta organikoan interpretatzeko.



3. Genetikaren oinarrizko hizkuntza eta printzipioak erabiltzea oinarri zientifikora iristeko eta biomedikuntzan aplikatzeko. Baita praktika klinikoarekin lotutako arazoak konpontzeko aukera ematen duten informazio genetikoaren asaldurak identifikatzea ere.



4. Gorputz-patroiaren bereizketa zelularra eta antolamendua eragiten duten mekanismo molekularrak deskribatu, aztertu eta azaltzea, alterazioak eta, ondorioz, horien inplikazio klinikoak balioztatuta.



5. Biomedikuntzako arazoak gauzatzeko eskuratutako ezagutzak aplikatzea, kontzeptuen oinarrizko analisiarekin eta metodologia esperimentalarekin lotuta, eta teknologia berriek gizartean duten eragina balioestea eta eztabaidatzea, zelulen eta geneen manipulazioan oinarrituta.

1.Blokea: Nukleo Zelularraren Alterazio Molekularrak.

2.Blokea: Zelularen Alterazio Molekularrak.

3.Blokea: Minbiziaren oinarri zelular eta molekularrak eta bere tratamenduak.

4.Blokea: Garapen Biologiaren Oinarri Zelularrak eta Teratologia.

5.Blokea: Histopatologiaren Oinarriak.

Ikasleak aurrez aurreko denbora izango du gaitasunak eta ikaskuntzaren emaitzak lortzen laguntzeko.

Ikasleak aurrez aurrekoa ez den denbora izango du ikasketa pertsonala edo taldekoa egiteko, txostenak eta aplikazio problemak egiteko.



Eskola Magistralak

Eskola magistraletan, ikasgaiaren eduki teorikoen funtsezko alderdiak modu sintetiko, sekuentzial, ordenatu eta zehatzean aurkeztuko dira ahozko azalpenaren bidez, ikus-entzunezko laguntzarekin. Irakasleak azaldutakoari buruzko oharrak hartu beharko ditu ikasleak, bai eta emandako aurkezpenean ere. Gainera, hemen emandako informazioa ikasgelako praktiketan eta laborategiko praktiketan azaldutakoarekin osatu beharko da.



Ikasgelako-Praktikak

Ariketak eta problemak ebaztea. Ikasleak ariketa edota problema baten elementuak ezagutu, deskribatu, antolatu eta aztertu beharko ditu, irtenbide egiaztatu bat arrazoiz lortzea ahalbidetuko duten estrategiak asmatzeko. Irakasgaiaren bloke bakoitzarekin lotutako ariketak eta problemak egingo dira modu kooperatiboan ikasle-taldeka. Idatzizko zein ahozko dinamikak burutuko dira.



Laborategi-Praktikak

Laborategiko praktiketan ikaslearen lana banakakoa izango da nagusiki. Mikroskopia optikoaren bitartez ehun osasuntsua eta patologikoa behatu eta konparatuko dira gainontzeko irakas-modalitatetan landutako helburuen arabera. Praktika hauetan landutakoa txosten batean batuko eta entregatu beharko du ikasle bakoitzak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 40
  • alde lanak (arazoen ebazpenak, proiektuen diseinuak) (%): 10

Ebaluazio-Jarraitua:

• Ahozko zuzenketak bloke bakoitzari dagozkion entregatzeko-fitxak: %10 bloke bakoitzeko

• Kontzeptuak Integratzeko Azterketa Finala (ohiko deialdiaren data): %50.



* Ikasleak irakasgaiaren ebaluazio misto edo jarraiari uko egin diezaioke, araudiak ezartzen duen epean, irakasgaiaren irakasleari zuzenduriko idatzi baten bidez. Kasu honetan, ez-ohiko deialdian aplikaturiko ebaluaketa sistema bera izango da.



* Ikasleak irakasgaiaren deialdiari uko egin diezaioke, araudiak ezartzen duen epean, irakasgaiaren irakasleari zuzenduriko idatzi baten bidez.

Idatzizko azterketa: 100% Kontzeptuak Integratzeko Galdera Laburrak.

Irakasleak egela plataforman eskegiko dituen aurkezpenak eta material oro: testuak, ebazteko fitxak, bideoak, web-orriak, mikroskopio birtualen link-ak,...

Oinarrizko bibliografia

• Alberts B, Bray D, Hopkin K, Johnson A, Lewis J, Raff M, Roberts K, Walter P. (2011). Introducción a la Biología Celular. 3ª edición. Médica Panamericana.

• Cooper G, Hausman R. (2018). La célula. 7ª edición. Marban Libros SL.

• Karp G. (2019). Biología Celular y Molecular. Conceptos y Experimentos. 8ª edición. Mc Graw-Hill Interamericana.

• Kierszenbaum A, Tres L. (2020). Histología y Biología Celular. (Introducción a la Anatomía Patológica). 5ª edición. Elsevier-Mosby.

• Lodis H, Berk A, Zipursky S, Matsudaira P, Baltimore D, Darnell J. (2016). Biología Celular y Molecular. 7ª edición. Médica Panamericana.

• Netter O. Histología esencial. Con correlación histopatológica, 3ª ed. 2021 Elsevier.

• Pierce B. (2016). Genética, un enfoque conceptual. 5ª edición. Médica Panamericana.

• Wheater O. Anatomía Patológica. Texto, atlas y revisión de histopatología, 7ª ed. 2024 Elsevier.