Erizaintzako graduan, orotariko erizaintzako profesionala izateko prestatuko zara, eta zientzia eta giza prestakuntza bikaina jasoko duzu. Hala, prestakuntza teoriko eta praktiko trinko baten bidez, pertsona osasuntsuen beharretarako arreta profesional egokia jartzeko.
Praktikak titulu honen ardatz nagusia dira, graduaren %40 hartzen baitute. Lehenengo mailatik hasita, arlo akademikoan eskuratutako jakintza teorikoak praktikan jarri, eta zure etorkizuneko lanbidea gertutik ezagutzen hasiko zara.
Erizaintzako graduak Barneko Erizain Egoiliar (BAEE) probak egiteko aukera emango dizu, erizain titulua lortu ahal izateko espezializazio hauetan: Erizaintza Obstetriko-Ginekologikoa (emagina), Buru Osasuneko Erizaintza, Erizaintza Geriatrikoa, Lanaren Erizaintza, Zainketa Mediko-Kirurgikoen Erizaintza, Familia eta Komunitate Erizaintza, eta Erizaintza Pediatrikoa.
Erizaintzako gradu hau Vitoria-Gasteizko Erizaintzako Unibertsitate Eskolan ematen da, UPV/EHUra atxikitako zentroa eta Osakidetzako zuzendaritza nagusiaren menpekoa da.
4 arrazoi gradu hau aukeratzeko
- Zeure beharra duten pertsona gaixo eta/edo osasuntsuak zaindu eta beren premiak artatuko dituzu.
- Kalitatezko praktika klinikoa erreferentziazko osasun gune publiko eta pribatuetan.
- Prestakuntza integrala asistentzian, irakaskuntzan eta ikerkuntzan aritzeko, nazio zein nazioarteko proiekzioarekin.
- Hasieratik landuko ditugu zurekin, graduatu eta gero izan ditzakezuen irteera profesionalak.
Sarrera-profila
Pertsonak gustatzen bazaizkizu, gizakiak bere osotasunean ulertzen badituzu eta zure motibazioa beste batzuk laguntzea eta zaintzea bada, sufrimenduzko edo zaurgarritasun uneetan, Erizaintzako Gradua da bilatzen ari zarena.
Irteera profesionalak
- Ospitale publikoak eta pribatuak.
- Lehen arretako eta arreta espezializatuko zentroak
- Ospitalez kanpoko larrialdi zerbitzuak.
- Zentro sozio-sanitarioak.
- Osasun mentaleko zerbitzuak, eskola osasunekoak, laneko osasunekoak…
- Irakaskuntza- eta ikerketa-zentroak.
- Erizaintza-zerbitzuen antolakuntza eta kudeaketa.
- Autoenplegua.