1. Erakundeen alorreko esku-hartze ereduak, ikerketa lerroak eta teoria nagusiak ezagutzea.

2. Erakundeen prozesu psikosozialak, dinamika , egituraren oinarrizko ezaugarriak eta oinarriak eta marko legala ezagutzea.

3. Antolakuntza eredu desberdinak era kritikoaz aztertzeko gaitasuna izatea.

4. Txosten bat egiteko eta erakundeen antolakuntza ebaluatzeko tresnak eta teknikak erabiltzeko gaitasuna izatea.

5. Lan ongizatean eta errendimenduan eragiten duten faktoreak identifikatzea.

6. Lan arriskuak prebenitzera bideratutako estrategia nagusiak ezagutzea.

7. Informazio zehatza sintetizatu, aztertu eta bilatzeko gaitasuna izatea eta ikus-entzunezkoez baliatuz, kasu eta ariketak aztertzeko gaitasuna izatea, ateratako ondorioak azalduz eta defendatuz.

A. Blokea: Erakundeen eta Lanaren Psikologia: hurbilpena

1. Gaia: Erakundeen eta Lanaren Psikologia: Mugaketa kontzeptuala

2. Gaia: Erakunde motak eta paradigmak.

B. Blokea: Lanaren Psikologia: Antolakuntza eta Motibazioa

3. Gaia: Lanaren oinarrizko elementuak.

4. Gaia: Motibazioa.

C. Blokea: Erakundeen Psikologia: Prozesuak.

5. Gaia: Kultura, berrikuntza eta aldaketa.

6. Gaia: Lidergoa, erabaki hartzea eta boterea.

7. Gaia: Komunikazioa eta gatazkaren kudeaketa.

D. Blokea: Giza Baliabideen Psikologia

8. Gaia: Giza Baliabideen garapena: osasun laborala (ongizatea, estresa, ergonomia eta arrisku psikosozialak)

Irakasleak A edo B modalitatea aukeratu eta proposa dezake.



METODOLOGIA – A AUKERA



Irakasgai honetan taldeko lan teoriko-praktiko bat eta banakako praktika (kasu praktiko bat) egingo dira, baita ikasgelan hainbat ariketa ere. Lanaren helburuak dira ezagutza teorikoa sakontzea eta ezagutza hori praktikara gerturatzea. Banakako praktikaren helburuak dira hainbat egoera aurkeztea eta lanbidearen errealitatera gerturatzea, kasuen analisiaren bidez, besteak beste. Prestakuntza bera bideratzeko eta jarraipena egiteko, tailerren, mintegien eta ordenagailu bidezko praktiken laguntza izango da.



TALDEKO LAN TEORIKO-PRAKTIKOA (azken kalifikazioan 2 puntu gehienez)



Lanak egiteko jarraitu beharreko arau nagusiak honako hauek dira:

1. Lana eta praktikak egiteko, asko jota, 4 lagunek osatutako taldeak egingo dira.

2. Talde bakoitzak gomendatutako oinarrizko materialak irakurriko ditu.

3. Talde bakoitzak tutoretzan argitu ahal izango ditu zalantzak, eta proposamenaren diseinua eta helburuak azalduko dizkio tutoreari.

4. Irakasleak ezarritako egituraren arabera osatu beharko dira lanak.

5. Proposamena amaituta dagoenean, irakasleari aurkeztuko zaio. Ikasleek azalpena egingo dute taldean. Proposamenaren azken kalifikazioan aurkezpena eta defentsa kontuan hartuko dira.



BANAKAKO PRAKTIKAK (azken kalifikazioan 2 puntu gehienez)



Bakarra izango da (ikasgelan bertan banatu eta aurkeztuko da). Honako urrats hauek emango dira:

1. Praktika ematea, aurkeztea eta kontzeptuak argitzea.

2. Informazioa bilatzea.

3. Iturriak eta informazioaren egokitasuna aztertzea.

4. Ekintzak edo esku hartzeko proposamenak garatzea.

5. Dokumentua ematea, emaitzak aurkeztea eta eztabaida.



IKASGELAKO PRAKTIKAK (azken kalifikazioan 2 puntu gehienez)



Gainera, ikasgelako praktiken barruan 4 edo 5 jarduera eta ariketa egingo dira, irakasgaiarekin, lan teoriko-praktikoarekin, banakako praktikekin eta ikerketarekin lotura dutenak.



METODOLOGIA – B AUKERA



Metodologiaren A aukeran deskribatutako jarduerei eutsita, prestakuntza ibilbidearen metodologia aplikatu ahal izango dute irakasleek. Horretarako, EUROPSY ziurtagiriaren esparruan sortutako 5 ibilbideetako bat aukeratu ahal izango dute. European Federation of Psychologists’ Association [EFPA] erakundea Europako herrialdeetako Psikologia elkarteen elkargune eta burua da, eta erakundeak berak emandako ziurtagiri multzoa da EUROPSY, Psikologiaren arloan hezkuntza eta praktikaren kalitatea neurtzeko Europako erreferentea.



1. LANEKO OSASUNA: ERGONOMIA, LANERAKO SISTEMAK ETA TEKNOLOGIA BERRIAK, LANEKO OSASUNA ETA LANEKO ARRISKUEN PREBENTZIOA.

2. LANA: AHOLKULARITZA, ORIENTAZIOA, MERKATU AZTERKETA, LAN BITARTEKARITZA ETA LANERAKO PRESTAKUNTZA.

3. ERAKUNDEEN GARAPENA: ERAKUNDEEN KALITATEA, ALDAKETA, GARAPENA ETA ERALDAKETA.

4. GIZA BALIABIDEAK: LAN HARREMANAK, BITARTEKARITZA, GATAZKEN KUDEAKETA, GIZA BALIABIDEEN KUDEAKETA, ETA PERTSONEN ETA GIZA KAPITALAREN NAHIZ KAPITAL SOZIALAREN GARAPENA ERAKUNDEAN.

5. MARKETINA: PUBLIZITATEA, KONTSUMITZAILEEN JOKABIDEA, POSIZIONAMENDUA ETA MERKATU AZTERKETA, INFORMAZIO KANPAINAK, ETA MERKATARITZA NAHIZ SALMENTEKIN LOTURA DUTEN BESTE AZTERKETA BATZUK.



“Etengabeko ebaluazioa” aukeratzen dutenek, prestakuntza ibilbide teoriko-praktiko osoa egingo dute, ikasleek gaiaren oinarrizko printzipioak nahiz hautatutako ibilbidearen oinarriak bereganatzen dituela ziurtatze aldera.

Matrikulatu gabe ezin da irakasgaian parte hartu.



Eskolen lehenengo astean, irakasleek lanak emateko epeak eta aurkezpenen egutegi zehatza azalduko dituzte.



Etengabeko ebaluazioa hautatzen dutenek bi arloak egin beharko dituzte: teoria eta praktikak.



Atal teorikoa azken kalifikazioaren % 40 izango da (lau puntu hamarretik). Atala gainditzeko, test erako azken azterketa egin ahal izango dute ikasleek, edota etengabeko ebaluazioari dagozkion jarduerak bete. Irakasleak aplikatu nahi duen modalitatea aukeratu edo proposatuko du. Azterketaren kasuan, ikasleak azken azterketa ofizial bakarra egingo dute. Azken urteetan azterketa hori test erakoa izan da; 30 eta 40 galdera inguru izan ditu, eta oker erantzundako galderei kenketa aplikatu zaie. Dena den, irakasle bakoitzak ezarriko du azterketaren galdera kopuru zehatza. Irakasleak honako aukera hauen artean hautatuko du: (1) test erako azterketa (gehienez, 4 puntu) oker erantzundako galderei kenketa aplikatuta; edo (2) azterketa teoriko mistoa, test erako galderak (gehienez, 3 puntu), oker erantzundako galderei kenketa aplikatuta, eta galdera irekiak (gehienez, puntu 1) barne hartzen dituena. Irakasleak lauhilekoaren hasieran jakinaraziko du zein ebaluazio mota aukeratu duen.



UPV/EHUko Ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloak ezarri legez, ebaluazio proban edo azterketan ikasleek ezin izango dituzte liburuak, oharrak edo apunteak erabili, ezta tresna edo gailu telefonikoak, elektronikoak, informatikoak edo bestelakoak ere. Lauhilekoaren lehenengo astean, UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko Protokoloa gogoraraziko zaie ikasleei, eta eGelan jarriko da eskuragarri, irakasgaiari dagokion moduluan.



Hala eta guztiz ere, baliteke irakasleak eduki teorikoak ebaluatzeko bestelako modalitate bat hautatzea eta, azterketarik egin gabe (ez partzialik ez azken azterketarik), ikasleek lanak aurkeztuz irakasgaia gainditu ahal izatea. Horrelakoetan, eskolen lehenengo astean, irakasgaiaren programaren aurkezpena egiten duenean, zehaztu beharko du irakasleak zein ebaluazio modalitate erabiliko den; eta, kasu honetan, beharrezkoa den gutxieneko zatia gaindituz gero (nota teorikoaren % 50), ikasleak azken azterketa teorikoa egitetik salbuetsita egongo dira. Edonola ere, irakasleak berak erabakiko du azken azterketa egin edo teoria ebaluatzeko bestelako aukera bat ezartzea, eta halaxe jakinaraziko du eskolen lehen astean, irakasgaiaren programa aurkeztearekin batera.



Praktiken kalifikazioa (talde lan teoriko-praktikoa, banakako lan praktikoa, eta ikasgelako praktikak) irakasgaiaren emaitza osoaren % 60 izango da (sei puntu hamarretik).



Irakasgaia gainditzeko, ezinbestekoa da gutxienez puntuazio osoaren % 50 gainditzea, bai azterketan edo atal teorikoan, bai talde lan teoriko-praktikoan, bai banakako praktiketan, bai ikasgelako praktiketan.



Kalifikazioen egoera: etengabeko ebaluazio prozesuan (azken azterketarena ez den modalitatean) atal praktikoa edo atal teorikoa soilik gainditu eta bestea suspenditu dutenei lortutako nota gordeko zaie, harik eta ekaineko azterketa egin arte. Hortaz, gainditu gabeko atalaren azterketa soilik errepikatu beharko dute (teoria ala praktika). Ekaineko azterketan atal bietako bat berriz ere suspendituz gero, irakasgai osoa suspendituko da, hurrengo deialdietarako notarik gorde gabe.



Praktikak ez egitea eta eskoletara ez joatea erabakitzen dutenek irakasgai osoari dagokion azterketa teoriko-praktikoa egin beharko dute deialdi ofizialean. Ezinbestekoa izango da bi atalak gainditzea: teoria (test motako azterketa) eta praktika (kasu baten garapena).



DEIALDIARI UKO EGITEA: Graduko Titulazio Ofizialetako Ikasleen Ebaluaziorako Arautegiaren 12.2 artikuluan jasotzen denez, azken probaren pisua irakasgaiko kalifikazioan % 40 baino handiagoa bada (irakasgai honen kasuan bezala), ikasleek deialdiari uko egin ahal izango diote kasuan kasuko irakasgaia amaitu baino hilabete lehenago, gutxienez. Eskari hori idatziz aurkeztu beharko zaio irakasgaiaren ardura duen irakasleari. Araudian jaso legez, egoera horren berri eman ez eta azterketa edo probara aurkezten ez denari “gainditu gabe” kalifikazioa jarriko zaio.



Gida honen edukiari bere horretan helduko zaio aurrez aurreko irakaskuntza bideragarria baldin bada. COVID-19aren ondorioz ezinezkoa balitz, ordea, ebaluazio modalitatea egokituko da, OHARRAK atalean zehazten den bezalaxe.

Apunteak, manualak, irakurketak, kasu praktikoak eta gelan edota plataforma birtualen bitartez eskainiko den dokumentazioa.

Oinarrizko bibliografia

•Alcover de la Hera, C.M. (2004). Introducción a la Psicología del Trabajo. Madril: McGraw Hill.

•Arnoso, A. (2011). Lanean eta erakundean ematen diren prozesu psikosozialak: banakoak eta taldeak eragile gisa. Psikologia Fakultatea (apunteen liburua). Donostia.

•Del Corte, T.; Apodaka, E.; Zabaleta O. (2007).Lan giroko harremanak. Erroteta. Bilbo.

•Gil-Monte, Pedro R. (Coord.) (2014). Manual de Psicosociologia Aplicada al Trabajo y a la Prevención de los Riesgos Laborales”. Pirámide. Madrid.

•Muchinsky, P.M. (2000). Psicología del Trabajo. Comportamiento organizacional. Madrid: Paraninfo.

•Ordoñez, M. (1997). Psicología del Trabajo y Gestión de Recursos Humanos. Barcelona: Gestión 2000.

•Peiró, JM (1995). Psicología de la Organización (I y II). UNED. Madril.

•Peiró, J y Prieto, F. (1996). Tratado de Psicología del Trabajo (I y II). Madril. Síntesis.

•Peiró, JM y Ramos,J (1994). Intervención Psicosocial en las Organizaciones. PPU. Madril.

•Quijano, S. (1987). Introducción a la Psicología de las Organizaciones. Barcelona: PPU.

•Quintanilla, I. (1993). Teoría, Aplicaciones y Práctica de la Psicología del Trabajo. Valencia: Promolibro.

•Robbins, S. (1996). Comportamiento Organizacional. Madrid: Prentice Hall.

•Rodriguez, A. eta Zarco, V. (2008). Psicología de las Organizaciones: marco conceptual, epistemológico y metodológico. Madril. Piramide.

•Salgado,JF (1997). Comportamiento Organizacional. TORCULO Ediciones. Vigo.

•Weinert, A.B. (1985). Manual de Psicología de la Organización. Barcelona: Herder.

Gehiago sakontzeko bibliografia

•Agulló,E et al.(2000). Psicología del Trabajo, de las Organizaciones y de los RRHH. Madrid: Biblioteca Nueva.
•Anderson, N et al. (Eds) (2002). Handbook of industrial, work and organizational psychology. Thousand Oaks, CA: Sage.
•DRENTH, P et al. (1984). Handbook of Work and Organizational Psychology. Wiley
•Dunnette, M.D. y Hough, L.M. (Coed.). (1990-94). Handbook of Industrial and Organizational Psychology ,4 Vol.. Palo Alto: Consulting Psychologist.
•Haslam,SA (2001). Psychologyin Organizations. The Social Identity Approach.London:Sage
•Katz, D. y Khan, R. (1977). Psicología social de las organizaciones. México: Trillas.
•Korman, A. (1987). Psicología de la industria y de las organizaciones. Madrid: Marova.
•Mckenna,E. (1994). Business psychology and organisational behaviour. Hove: Lawrence Erlbaum.
•Munduate, L. (1997). Psicología Social de la Organización. Madrid: Pirámide
•Robbins, S. (1996). Comportamiento organizacional. Madrid: Prentice Hall.

Aldizkariak

Capital Humano.
Revista de Psicología del Trabajo y de las Organizaciones.
UZTARO
ELHUYAR
Soziolingusitika Aldizkaria