Proiektu honen helburu nagusia da prozesu industrial konplexuak modelizatzeko metodologia bat aztertu, diseinatu, garatu eta baliozkotzea, batetik, prozesu horien dinamika konplexuak aztertu eta identifikatzeko, eta, bestetik, kontrolatu beharreko prozesuaren portaera errepikatuko duen eredu eraginkor, sendo eta zehatza eskaintzea. Proiektuan, batetik, sistema ez-linealen dinamikak aztertzeko tresna algoritmiko bat diseinatuko da, sare neuronal artifizialen hainbat egituratan oinarrituta, oreka-puntuetan izango duten portaera aurreikusteko, eta, bestetik, portaera fidagarria eta sendoa bermatuko duen neurona-egituraren eredu bat, Kontrol Prediktibo Adimenduneko estrategia baten esparruan. Erronka teknologiko gisa, proiektuan planteatzen da aipatutako estrategiaren arkitektura ezartzea Hardware in the Loop (HiL) plataformetan, PC industrial bat eta PAC bat erabiliz. Proposamena HiL plataforma horien gainean balioztatuko da, metalurgia-sektorearekin lotutako aplikazio erreal batekin (ijezketa-prozesu baten kontrola).