a) Jasangarritasunaren arloko jardun lerroak (kudeaketa, irakaskuntza, ikerketa eta transferentzia) planifikatzea eta bultzatzea Zientzia eta Gizarte Garapenaren eta Transferentziaren arloko errektoreordearekin batera.

b) Zeharkako politikak diseinatzea eta haien prestakuntza koordinatzea, eta haien ezarpenean inplikatutako unitateei (sailak, dekanotzak, zuzendaritzak eta zerbitzuak) aholkularitza ematea, garapen iraunkorraren aldeko 2030 EHUagendaren barnean.

c) Zentruetako kudeaketa jasangarriaren arloko jarduerak sustatzea, koordinatzea eta gainbegiratzea (unibertsitate-jardueraren ingurumen-inpaktuaren prebentzioa eta murrizketa), Campus-Planeta plan pilotuan laguntzeko.

d) Campus Jasangarriaren ideia garatzea unibertsitate-komunitateko kolektiboekin elkarlanean (Campus Bizia lab eta beste programa batzuk).

e) Jasangarritasunean oinarritutako hezkuntza sustatuko duen sare baten garapena planifikatzea eta koordinatzea, hura unibertsitate curriculumean txertatuta, Graduaren eta Hezkuntza Berrikuntzaren arloko errektoreordearekin eta Graduondokoaren eta Etengabeko Prestakuntzaren arloko errektoreordearekin koordinatuta.

f) Baldintzak sortzea ikasleek, irakasleek eta administrazio eta zerbitzuetako langileek informazioan oinarritutako erabakiak hartzeko aukera izan dezaten, XXI. mendeko gizarte, ekonomia, kultura eta ingurumen arazoen inguruan.

g) Parte hartzea bultzatzea goi mailako hezkuntzan jasangarritasunean oinarritutako hezkuntzari buruzko nazioarteko sareetan, Graduaren eta Hezkuntza Berrikuntzaren arloko errektoreordearekin eta Graduondokoaren eta Etengabeko Prestakuntzaren errektoreordearekin koordinatuta.

h) Programak eta ekintzak koordinatzea Berdintasun Zuzendaritzarekin.

i) Arlo horretan, errektoreak eskuordetu edo Zientzia eta Gizarte Garapenaren eta Transferentziaren arloko errektoreordeak eskatutako beste edozein eginkizun.

j) Urteko memoria Zientzia eta Gizarte Garapenaren eta Transferentziaren arloko errektoreordeari aurkeztea.

% 67

2