Honako eskumen hauek ditu UPV/EHUko Garapenerako Lankidetza Kontseiluak:

• Unibertsitateen Portaeren Kodea aplikatzen laguntzea garapenerako lankidetzaren arloan, kode hori gauzatzeko laguntza emanez, hobetzeko proposamenak landuz eta kodea oso-osorik aplikatzeko irizpideak proposatuz.
• Garapenerako lankidetzari buruzko plan, programa eta jarduketak egiteko proposamenak egitea, UPV/EHUk gauza ditzan.
• Unibertsitateen Portaeren Kodea garapenerako lankidetzaren arloan aplikatu ondoren, honako arlo hauen jarraipena eta ebaluazioa egitea: aurrez finkatutako helburuak, eta aurrera eramandako ekintzak eta unibertsitate politikak.
• Nazioarteko elkartasunaren esparruan eztabaida kritikoa bultzatzea.
• Beste erakunde eta gizarte eragile batzuekin batera garapenerako lankidetzari lotutako ekintzak egin daitezen bultzatzea.
• Unibertsitateko kideek garapenerako lankidetzarekin lotuta egindako jarduketak ezagutzera ematea.
• UPV/EHUko gobernu, ordezkaritza eta aholkularitza organoek garapenerako unibertsitate lankidetzaren arloan emandako beste edozein eskumen.