EIT-KICS
Europako Berrikuntza eta Teknologia Institutuari buruzko informazioa (EBTI, EIT ingelesezezko sigletan)
EBTI Europako Batasunako erakundea da, 2008ko martxoan sortuta. Erakundearen eginkizuna da Europako hazkuntza iraunkorra eta lehiakortasuna areagotzea, EBko berrikuntza-gaitasuna irmotuz.
Horrek esan nahi du berritzaile- eta ekintzaile-belaunaldi berri bat garatu behar dela, eta hori gauzatzeko, EBTIk egitura integratuak sortu ditu (Ezaguera eta Berrikuntza Komunitateak, EBKak - ingelesez, KIC). Komunitate horiek goi-mailako hezkuntza, ikerketa eta negozioen sektoreak elkarrekin lotzen dituzte, eta, horrela, berrikuntza eta ekintzailetza bultzatzen dituzte. EBKak gaur egun gizartean eragin handia duten gai nagusietan jartzen dute arreta, hots, klima-aldaketa arintzea (Climate-KIC), informazioaren eta komunikazioaren teknologiak (EIT ICT Labs) eta energia iraunkorrak (KIC InnoEnergy).
Zer dira Ezaguera eta Berrikuntza Komunitateak (EBK)?
EBKak EBTIren erakunde independenteak eta ekintzaileak dira, eta berrikuntza-sareak gauzatzen dituzte.
EBKek finantza-egitura eta egitura legalak dituzte. Horietan parte hartzen duten bazkideak nazioartekoak dira, eta gai komun batek elkartzen ditu. Bazkideak ezaguera-triangeluren hiru aldeetatik datoz: ikerketa, goi-mailako hezkuntza eta berrikuntza-ekintzailetza-negozioak. EBKek goi-mailako sareak sortzen dituzte ezaguera triangeluetan zehar, gizartean eragin handia duten gaiekin lan egiteko asmoarekin. EBKek 7-15 urteko epe luzeetan antolatu behar dute lana; baina, aldi berean, haien misioa jarraitzen duten epe labur eta ertaineko helburuak kontuan hartu behar dituzte.
Nork parte har dezake EBKetan?
EBKek berrikuntza-sarean zehar lan egiten duten pertsonak elkartzen dituzte. Hauek dira parte-hartzailerik garrantzitsuenak, besteak beste: enpresak (ETEak barne), ekintzaileak; ikerketa- eta teknologia-erakundeak; goi-mailako hezkuntza-erakundeak; inbertsio- komunitateak (inbertitzaile pribatuak eta arrisku-kapitala), ikerketa-finantzatzaileak, GKEak eta fundazioak barne; tokiko, eskualdeko eta nazioko gobernuak.
EBTIren arauen arabera, EBKen jardueretan hiru erakunde independentek parte hartu behar dute, gutxienez. Parte-hartzaile horiek gutxienez hiru EBko estatu ezberdinetakoak izan behar dira, eta horien artean, goi-mailako hezkuntza-erakunde batek eta enpresa pribatu batek parte hartu behar dute. Berrikuntza-ahalmena indartzeko asmoarekin, EBKek EBko estatukide ez diren parte-hartzaileak ere har ditzakete.
Lehenengo hiru Ezaguera eta Berrikuntza Komunitateak (EBK)
EBTIk 2009ko abenduan izendatu zituen lehenengo hiru EBKak: