nireEHU UPV/EHUk 2023ko Mugikortasunaren Europako Astean parte hartuko du
Gipuzkoako Campusa
Universidad del País Vasco/Euskal Herriko Unibertsitateak beste urte batez hartzen du parte Mugikortasunaren Europako Astean. Aurten, irailaren 16tik 22ra bitartean burutuko da ekimen hau, eta aurrez aurreko jarduerak jarriko ditu abian hiru campusetan, baita online jarduerak ere.
Izena emateko epea zabalik egongo da abuztuaren 24tik aurrera honako jarduera honetan parte hartzeko:
IBILBIDEA BIZIKLETAZ (unibertsitateko kideei zuzenduta: IRI, AZP eta ikasleak)
- Eguna: irailak 20
- Lekua: irteera I.M. Barriola zentrotik
- Ordua: 11:00-12:30
- Elkartzeko ordua: 10:45
Bizikletaz gidatutako ibilbidea hirian zehar. Ezagutu gure bidegorriak. UPV/EHUk bi gida eta bizikletak jartzen ditu (14 bizikleta, elektrikoren bat). Zure bizikletarekin ere parte har dezakezu.
Ibilbidea egiteko, gomendagarria da aldez aurretik izena ematea Kirol Zerbitzuaren aplikazioaren bidez. Hala ere, azken orduan animatzen bazara, Ignacio Maria Barriola zentrora hurbildu eta jarduerarekin bat egin dezakezu.
Jarduerarako arropa eta oinetako egokiak eramatea gomenzatzen dizuegu. Parte hartzera animatzeagatik UPV/EHUko kamiseta eta bizikletako botilatxoa oparituko dizkizuegu.
Izen-ematea abuztuaren 24tik, irailaren 19ra. Plazak mugatuak dira.