"Ikastaro eskaerak" bloketik, AZP edo IIP rola duten erabiltzaileek ikastaroen eskaerak eta horien jarraipena egin ahal izango dute. Sakatu "Aginte-panela" (1) "Ikastaro eskaerak" (2) blokera sartzeko, eskuineko alboko zutabean.

Bloke honetan "Eskatu ikastaro bat" (2.1) eta "Nire ikastaro eskaerak" (2.2) estekak daude.

"Eskatu ikastaro bat" (2.1) sakatuko dugu formularioan sartzeko:

Eskatzen ari zaren ikastaroaren xehetasunak

"Eskatzen ari zaren ikastaroaren xehetasunak" atalean, nahitaezko bi eremu daude: "Ikastaroaren izen osoa" (1) eta "Ikastaroaren izen laburra" (2). Ondoren, "Ikastaro-kategoria" (3) menu zabalgarria dago, non ikastaroa sailkatu behar den. Garrantzitsua da ikastaroari dagokiona aukeratzea, eremuaren eta helburuaren arabera. Zalantzarik izanez gero, kontsultatu ecampus@ehu.eus helbidean.

EGelaPIren egungo bertsioari aplikatutako estilo grafikoarekin, "Laburpena" (4) eremua ez da orrialde nagusietan agertzen. Azkenik, "Ikastaroaren amaiera-data" (5) eremuan, adierazi ikastaroa zein egunetan ezaba daitekeen (urtebete gehienez, luza daitekeena). Ezarritako datatik 60, 30 eta 15 egunera jasotzen dira jakinarazpenak, epea amaituko dela jakinarazteko.. Ikasgela birtual hori luzatu nahi izanez gero, bidali mezu bat ecampus@ehu.eus helbidera.

Ikastaroa eskatzeko arrazoiak

“Informazio lagungarria kudeatzaileak eskari hau ebaluatzeko” (1) eremuan, eskaera baliozkotzen lagunduko duen informazioa eman daiteke. Eremu hau nahitaezkoa da. Gainera, “Ikastaroa eskatzen duen saila edo zerbitzua” (2) eremuan, eskaera zein sail edo zerbitzutik egiten den adieraz daiteke. Azkenik, “Dokumentua erantsi” (3) eremuan, sailak, zerbitzuak edo ikerketa-taldeak babes-dokumentu bat aurkeztu behar du.

Prozesua amaitu ondoren, "Bidali" (4) sakatuko dugu. Eskaeraren egoera kontsultatzeko, sakatu “Nire ikastaro eskaerak”, “Ikastaro eskaerak” blokean.

Eskaera egin duen pertsona automatikoki matrikulatuta geldituko da ikastaroan irakasle rolarekin, baliozkotu ondoren. Beste erabiltzaileen matrikulazioari buruzko informazioa lortzeko, kontsultatu “Erabiltzaileen matrikulazioa” atala.

Atal honetan ikusten dira "Eskaerak onartzeke" (1) eta "Eskaerak hobetzeke" (2). Ikastaroa baloratua izan denean, eskatzaileak jakinarazpen bat jasoko du posta elektronikoz, adieraziz ikastaroa eskuragarri dagoela, onartu bada, edo formularioa berriro edita dezakeela eskatutako informazioa gehitzeko.

Ikastaroa onartuta dagoenean, "Hasiera orriko" edo "Aginte-paneleko" zerrendetatik sar daiteke. Ikastaroa lehenetsita sortuko da, "Ezkutatu" aukerarekin, "Ikastaroaren ikusgarritasuna" atalean, "Editatu ikastaroaren ezarpenak" formularioan. Ikastaroa prest dagoenean, aukera hori alda daiteke formulario honetan sartuta: Kudeaketa-panela > "Ikastaroaren ezarpenak" > "Editatu ikastaroaren ezarpenak"