Onartua izateko irizpideak
Sarrera-profila
Unibertsitate master bat egin duten ikasleak, ikertzaile ibilbidearekin edo halako ibilbiderik gabe, eta ikasketa nautikoen edota itsas ikasketen jakintza arloei lotutako profila edukita (Nautika eta Itsas Garraioa Unibertsitate Masterra edota Itsasketa Unibertsitate Masterra).
Eskatzaileek izena emateko orriari sona handiko ikertzaileen erreferentzia gutunak erantsi ahalko dizkiote. Era berean, elkarrizketa bat egin beharko dute beren intereseko ikerketa ildoaren arduradunarekin (zuzendariarekin izan liteke), programaren batzordeari txosten bat igorriko diona hautagaia onartzea komeni den ala ez adieraziz.
Espainola hizkuntza natiboa ez duten atzerriko ikasleen kasuan, balioetsi egingo da Cervantes Institutuaren tarteko mailaren pareko ahozko eta idatzizko ezagutzak egiaztatzea.
Ez da eskatzen prestakuntza osagarririk.
Hautagaiak ikertzaile ospetsuen erreferentzia gutunak erants ditzake bere eskaeran. Halaber, elkarrizketa bat izan beharko du bere intereseko ikerkuntza azpiildoaren irakasle arduradunarekin (zuzendari izan daitekeenarekin), eta hark txosten bat igorriko dio programako batzordeari hautagaia onartzea komeni den ala ez esanez.Jaioterriko hizkuntza gaztelania ez duten ikasle atzerritarren kasuan, Cervantes Institutuko tarteko mailarekin aldera daitezkeen gaztelania mintzatu eta idatziko ezaguerak egiaztatzea baloratuko da.
Gaztelania
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.