Onartua izateko irizpideak
Sarrera-profila
LAMS doktorego programan parte hartu nahi dutenek LAMS arloko gaiarekin lotutako unibertsitateko masterreko titulu ofizial bat izan beharko dute, hau da, hizkuntzalaritza aplikatuaren arloko titulu bat. Hautagaiak, bestalde, Hizkuntzen Europako Erreferentzia Marko Bateratuko B2ren pareko ingelesezko maila, gutxienez, izan beharko du. Batzorde Akademikoak eska dezake, doktoregaiak lehenago izandako esperientzia ikusita, haren prestakuntza osatzeko beharrezkoak diren ikastaroak edo mintegiak egin ditzan. Horretaz gainera, batzordeak motibazio gutun bat eskatuko du eta doktoregaiarekin elkarrizketa bat egitea eska dezake, bertan doktoregaiak adieraz dezan, besteak beste, ikerketan izan duen prestakuntza eta doktorego tesi bat egiteko behar diren motibazioa eta interesa nolakoak diren.
Ez dago formakuntza gehigarriren beharrik.
Ez dago sarrera irizpide gehigarririk.
Gaztelania
Euskara
Ingelesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.