Onartua izateko irizpideak
Sarrera-profila
Programan sartzeko, master ofizial bat egin behar da, programako ikerketa lerroetako batekin edo batzuekin lotutako edozein jakintza arlotakoa.
Gaitasun kognitiboak, linguistikoak eta teknologia informatikoak erabiltzeko gaitasunak eskatzen dira, erabiltzaile mailakoak. Kontuan hartuko da atzerriko beste hizkuntza batzuk jakitea, irakurtzeko eta idazteko gaitasuna izanez gero.
Onarpen prozesua Batzorde Akademikoaren esku dago. Batzorde horrek ideia abstraktuak artikulatzeko gaitasuna, ikerketa proposamen bati ekiteko gaitasuna eta hautagaien gaitasun kritikoa, autokritikoa eta analitikoa aztertuko ditu. Horretarako, egokitzat joko da hautagaiek dokumentazio gehigarri bat aurkeztea honako hauek justifikatzeko: ikerketako gaia, arazoa aztertzeko erabili nahi den ikuspegia, eskuragarri dagoen informazioa, espero daitezkeen emaitzak, hasierako esparru teorikoa, aldez aurreko egitura bat, eta tesiaren zuzendari izateko prest dagoen programako irakasle baten oniritzia izatea.
Prestakuntza lortuko da UPV/EHUk arloan (zuzenbidea, ekonomia, filosofia, hezkuntza eta hizkuntza politikak) eskainitako master ofizialetako irakasgaietako 6 ECTS kreditutik 15era bitartean eginda, edo ikerketako konpetentzietan pareko prestakuntza eginda. Ikaslea horietan matrikulatuko da bere tutoreak edo tesiaren zuzendariak aholkatuta behin Doktorego Programan matrikulatu ondoren. Dena den, eta adibide moduan, Batzorde Akademikoari bidezko irudituko balitzaio, hona hemen arlo bakoitzeko prestakuntza osagarri batzuk: FILOSOFIA. Garaiko gizakiaren arazoranzko hurbilketa filosofikoa. 30 ord.EKONOMIA Gobernantza berria globalizazioaren testuinguruan. 30 ord.ZUZENBIDEA. Globalizazio neoliberala. 30 ord.HEZKUNTZA. Teknologia, ikaskuntza eta hezkuntzaren ikerketa. 3 kredituHIZKUNTZA POLITIKAK.-LEHEN AUKERA. Hizkuntza Planifikazio Integral baten Esparruak eta Europan horiek nola aplikatu. 30 ord.-BIGARREN AUKERA Hizkuntza minoritarioak babesteko eredu juridikoak eta hizkuntza eskubideak. 30 ord.SOCIOLOGY OF LAW: Doktorego programako prestakuntza osagarria doktoregaiak eta tesiaren zuzendariak adostuko dute, eta horren berri Batzorde Akademikoari emango diote. Sociology of Law/Soziologia Juridikoaren arloan bi aukera daude: a) apiriletik irailera Soziologia Juridikoaren Nazioarteko Institutuan antolatu ohi diren edo kideko beste erakunde akademiko edo ikertzaile batek antolatzen dituen bi workshop edo mintegi jarraitzea (eskaintzen diren 12-14ren artean hautatuta); b) bi ikastaro espezifiko jarraitzea (guztira: 30 ordu, 5 ECTS kreditu) urritik martxora bitartean aipatutako Soziologia Juridikoaren Nazioarteko Institutuak urtero antolatu ohi dituen 10-13 ikastaroen artean hautatuta.
Onarpen prozesuaz arduratuko den organo akademikoa batzorde akademikoa izango da. Ikaslearen profilaren egokitasuna ez ezik, ikaslearen artikulatzeko gaitasuna ere baloratuko du. Ideia abstraktuak, ikerketa-proposamen bati ekiteko gaitasuna, kritikarako eta analisirako gaitasuna.Merezimenduak baloratzeko irizpideak honako hauek izango dira:- Ikasketa espedientea eta sarrera masterraren egokitasuna (%40).- Ikerketa-proposamen koherente eta bideragarri bati ekiteko gaitasuna, memoria-agiri labur bat, ikergaia labur jasotzen duena, arazoa zein ikuspegitatik aztertu nahi den, eskura dagoen informazioa, espero daitezkeen emaitzak, hasierako esparru teorikoa eta lana (%45).- Ingelesa jakitea (% 5).- Argitalpenak eta ikerkuntza-esperientzia (%10).
Gaztelania
Euskara
Ingelesa
Alemana
Frantsesa
Portugalera
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.