Onartua izateko irizpideak
Sarrera-profila
Sarrera profil gisa gomendatzen da doktorego programa honetan matrikulatu nahi duten ikasleek, alde batetik, ondoren aipatzen diren gradu hauetakoren bat ikasi izana: kimika, geologia, ingurumen zientziak, kultur ondasunen kontserbazio eta zaharberritzea, geografia eta lurralde antolamendua, historia, artearen historia, arkitekturaren oinarriak eta/edo ingurumen ingeniaritza. Beste alde batetik, komeni da izangaiek masterreko ikasketak eginak izatea ingurumena, paisaia, ingurumen aldaketa, giza ebaluazioa eta ondasuna (kulturala edo naturala) bezalako gai diziplinartekoetan, paisaia eta ondasuna aztertzeko metodo, teknika eta diziplinarteko ikuspegien aniztasunaren oinarrizko jakintza behar dutelarik. Irakaskuntza hauek guztiauek jakintza eta gaitasun egokiak eskaintzen dituzte doktorego tesirako proiektu bat doktorego programa honetan garatu ahal izateko.
Ama hizkuntza jakiteaz gain, positiboki balioetsiko da doktorego programan sartu nahi duten izangaiek komunikazio zientifikoan erabili ohi den beste edozein europar hizkuntzaren B1 jakite mailaren parekoa izatea (Hizkuntzen Europako Erreferentzia Marko Bateratua), bereziki, ingelesa, bai eta frantsesa, alemana, italiera edo portugesa ere. Izan ere, honela, bibliografia espezializatua erabili ahal izango dute eta egonaldiak egin hizkuntza hori komunikaziorako darabilten herrialdeetan.
Halaber, programa hori egin bitartean, hizkuntza gaitasunak hobetzeko ahaleginak (B2 maila) egingo dira, bereziki ingelesean, doktoregoaren emaitzak ahoz eta idatziz foro zientifikoetan komunikatu eta argitarapen zientifikoak egiteko gai izan daitezen.
Doktorego programara ere sartu ahal izango dira lehengo lizentziatura, arkitektura edo ingeniaritzaren bat luketen ikasleak.
Doktorego programara sartzeko eskariekin batera, ikasle gaiek programako irakasleren baten gutun bat aurkeztu beharko dute, izangai hori programan sartzearen alde agertuz.
Programa honek ez dauka heziketa osagarri espezifikoak, halere, sartu ahal diren ikasleek egin dituzten 300 ECTS-tik gorako graduek agian ez dutenez ikerkuntzaren inguruko heziketa-eduki espezifikorik, Programaren Batzorde Akademikoak erabakiko du, ikasle bakoitzaren profilaren arabera, heziketa horren beharra. Heziketa hau lortzeko, ikasleek gai honetako edo antzekoa deneko UPV/EHUko master ofizialeko irakasgaien 6 eta 15 ECTS bitarte egin beharko dute ikerkuntzako gaitasun horiek lortzeko bere tutore edo tesiaren zuzendariaren aholkupean Doktorego programan matrikulatu ondoren.Prestakuntza ikastaro osagarri gisa 6 eta 15 ECTS artean egin behar duten izangaiek UPV/EHUk eskainitako unibertsitate master hauetako irakasgaiak egin beharko dituzte:-Ingurumenaren Kutsadura eta Toxikologia -Kuaternarioa: Ingurugiro Aldaketak eta Giza Oinatza -Ingurugiroaren Agrobiologia -Eraikuntzaren Ingeniaritza -Ingurumen Ingeniaritzako Ikerketa -Eraikitako Ondarearen eta Eraikinen Birgaitze, Zaharberritze eta Kudeaketa -Arte Garaikide Teknologiko eta Performatiboa
Doktorego programan sartu nahi duten ikasleek 300 ECTS kreditu izan behar dituzte eginak Espainiako, Europako edo nazioarteko edozein unibertsitatetan. Graduko ikasketetan eta egindako masterrean eskuratutako gaitasunen arabera, Diziplinarteko Estrategia Zientifikoak Ondarean eta Paisaian doktoregoko Batzorde Akademikoak, merezimenduak baloratzeko baremoa aplikatu ondoren ikasleek lortutako puntuazioaren arabera, gai, ikastaro, mintegi, etab. osagarriak egitea eska dezake tesia egin nahi duten ikasleen prestakuntzarako.DEZOP doktorego programan sartu nahi duten ikasle guztiek behar den informazioa entregatuko dute, programako Batzorde Akademikoak balora dezan ikasle bakoitzak onartua izateko behar diren gaitasun guztiak eskuratu dituen. Balorazio hori modu kuantitatiboan egingo da, guztira 100 puntutik, eta aurkeztutako merezimenduen balorazioa arrazoitu egingo da, eskema honetan oinarrituta:Egindako masterra Diziplinarteko Estrategia Zientifikoak Ondarean eta Paisaian doktorego programara egokitzea: 40 puntuEspediente akademikoa, masterra barnean hartuta: 30 puntuArgitalpenak: 10 puntuKongresuetarako komunikazioak: 10 puntuInteres zientifikoko prestakuntza ikastaroak: 5 puntuBestelako merituak: 5 puntuPrograman zuzenean onartua izateko, hautagaiak 60 puntuko gutxieneko puntuazioa lortu beharko du. 40 eta 60 puntu artean lortzen baditu, ikaslea onartu egingo da, baina Batzorde Akademikoak zehaztuko du zer prestakuntza osagarri egin behar dituen doktoregoko matrikula formalizatutakoan. 40 puntu baino gutxiago lortzen baditu, hautagaia ez da onartuko programan.
Gaztelania
Euskara
Ingelesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore bat esleituko dio doktoregai bakoitzari, doktorego programan parte hartzen duten UPV/EHUko irakasleen artetik, eta berak zaindu beharko du doktoregaiaren eta Batzorde Akademikoaren arteko interakzioa. Horrez gain, tutorea prestakuntza eta ikerlana doktorego programaren eta Doktorego Eskolaren printzipioetara egokitzeko arduraduna ere izango da.
Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Zuzendaria UPV/EHUkoa ez bada, tutoreak egingo du unibertsitatearekiko lotura lana.
Tesia zuzendarikidetzan ere egin ahal izango da beste zuzendarikide batekin eta zuzendarikide hori doktorego programakoa izatea ez da nahitaezkoa izango. Horrez gain, tutorearen edo zuzendariaren izendapena aldatu ahal izango da doktoregoa amaitu aurreko edozein momentutan.
Informazio gehiago behar izanez gero, kontsultatu izapideak eta arautegia.