ASOCIACIÓN VIZCAINA DE CAPITANES DE LA MARINA MERCANTE (AVCCMM)
AVCCMM saria Nautika arloko GRAL/MAL onenarentzat.
Diploma eta AVCCMM elkartearen bi urteko doako bazkidetza emango zaizkie Gradu Amaierako Lan eta Master Amaierako Lan saridunen egileei.
2024ko urtarriletik 2025eko apirilera bitartean Bilboko Ingeniaritza Eskolan defendatu eta kalifikatu diren Gradu Amaierako Lan edo Master Amaierako Lan guztiak lehiatu ahal izango dira, betiere sariaren gaiari buruzkoak badira. Arreta berezia jarriko zaie ontzietan zubiko ofizialek egiten duten lana aztertzen duten hautagaitzei.
Epaimahaiak aukera izango du saria eman gabe uzteko, baldin eta uste badu aurkeztutako lanetako bat ere ez datorrela bat sariaren gaiarekin.
Eskaerak aurkezteko epea
Eskaerak aurkezteko epea: 2025eko apirilaren 30 arte, beti irekita.
Ikasle interesdunak eskabidea aurkeztu beharko du, honako hauek eginez:
a).- Parte hartzeko online formularioa bete, horri eskabidea erantsita, tutoreak eta ikasleak behar bezala sinatuta.
b).- posta elektronikoz enpresa.eib@ehu.eus helbidera pdf bat bidali GRAL/MALren kopiarekin edo deskargatzeko esteka batekin, gaian "Enpresaren izena + SARIA" adieraziz.
Eskaera aurkeztuta, ikasleak onartzen du sariaren epaimahaiak (bai Eskolaren aldetik, bai enpresaren aldetik) bere defentsarako aurkeztutako GRALaren/MALaren memoria eskuratzeko aukera izan dezan. Onartzen du, halaber, enpresak eskabideko datu pertsonalak eskuratu ahal izatea, bai eta harreman pertsonala izatea ere, sariaren finalisten artean aukeratua izan zein ez.
Epaimahaia
Bilboko Ingeniaritza Eskolako eta AVCCMM-ko aditu taldea.
Saria ematea
2025eko ekainean egingo den ekitaldi publiko batean.