Sello de Calidad en Edición Académica-Academic Publishing Quality (CEA-APQ) zigilua Espainiako Unibertsitateen Editorialen Batasunak (UNE) sustatutako ekimena da eta Kalitatea Ebaluatu eta Egiaztatzeko Agentzia Nazionalak (ANECA) eta Zientzia eta Teknologiarako Espainiar Fundazioak (FECYT) babesten dute.

Zigiluaren bidez aintzatetsi nahi dira espainiar unibertsitate argitalpenaren praktikarik onenak eta zeinu bereizgarri bilakatu nahi du, ikerkuntza jarduna ebaluatzeko agentziek nola komunitate akademiko eta ikertzaileak erraz asko identifikatzeko modukoa. Era berean, argitalpen akademikoaren kalitatean ere eragin gura du, berori sustatuz eta akuilatuz.

Honako hauek dira CEA-APQ zigilua, beren lehenengo deialdian lortu duten Universidad del País Vasco /Euskal Herriko Unibertsitatearen Argitalpen Funtsaren sailak eta bildumak:

• Anejos de Veleia
• Documentos de Arqueología Medieval
• Garaiko Historia
• Erdi Aroaren eta Aro Berriaren Historia

Sail eta bilduma hauek hiru urtetan eutsiko diote beren kalitate zientifiko eta editorialari egindako aitorpenari, deialdiaren behin betiko ebazpeneko datatik abiatuta (2017ko uztaila).