Non: Komunikazio eta Zientzien Fakultatea. Non 2023ko azaroaren 8an. Nork: Ibai Biritxinaga. Komunikazio Bulegoa. UPV/EHU.

Fakultateko entzunaretoan solasaldia izan zen atzo Jordi Évole kazetari ezagunarekin. Beteta zegoen esparru batean, kazetari ezagunak bi ordu inguruz erantzun zien irakasle eta ikasleen galderei. Espero bezala: ez zuen inor axolagabe utzi.

Évolek kazetaritzak testuinguru horretan duen gaurkotasuna eta egoera aztertu zituen, "clickbite-aren diktaduraren mende, hedabide serioei ere min egiten ari baitzaie" eta horien "jarrera ideologiko oldarkorra", batez ere Madrilgoak. Horren ondorioz, kazetariak deitoratu zuenez, "iritsi zen une bat ‘kazetaritza’ hitza hainbeste manipulatu zutela, eta hainbeste jende zegoen kazetaritza nork egiten zuen eta nork ez erabakitzeko eskubidearekin sinesten zuena, eta horregatik uko egin nion horrela definitzeari".

Kazetariak ikasleei aholkatu zien "begiratu mota guztietako hedabideak, ez bakarrik zuen ideologiakoak; nahasketa horretatik abiatuta, egiaren antza duen zerbait aurkituko duzue".