Deskribapena

Asteartean, apirilaren 30ean, 19:00etan, Bizkaia Aretoan (Bilbo), "Erantzukizun Mugatua" erakusketa inauguratuko da. Erakusketak UPV/EHUko Arte Ederren Fakultateko Arte Garaikide Teknologiko eta Performatiboko Masterreko ikasleekin lankidetzan egindako bost proiektu kolektibo aurkezten ditu. Erakusketa maiatzaren 10era arte egongo da ikusgai.

“Bost proposamen kolektiboek "monumentu" kontzeptua diziplina anitzeko ikuspegietatik aztertzen dute. Lan bakoitzak gizarte postmodernoan dugun erantzukizun indibidual eta kolektiboari buruz hausnartzera gonbidatzen du ikuslea, eta inguratzen gaituzten kontrol-parametroak zalantzan jartzera”, antolatzaileak adierazi dute.

Erakusketa apirilaren 30etik maiatzaren 10era egongo da ikusgai Bizkaia Aretoan. Apirilaren 30ean, maiatzaren 4an eta 9an performance bat egongo da Axular aretoan 19:00etatik 20:00etara.