Deskribapena

Ostegunean, maiatzaren 11n, arratsaldeko 18:00etatik 19:30era arte, Ekonomia eta Enpresa Fakultateko Gradu aretoan (Lehendakari Agirre, 83. Sarriko. Bilbo) ‘La profesionalización de la empresa familiar' hitzaldia eskainiko du Manuel Urrutiak, Confianz-en kontseilari delegatu eta zuzendari orokorrak.

Bilboko Merkataritza Ganberak, CEBEK erakundeak eta UPV/EHUko Familia Enpresaren Katedrak, Bizkaiko Foru Aldundiaren laguntzarekin, Familia enpresen eraldatzea: Etorkizuna ziurtatzea zikloa antolatu dute. Familia enpresek ekonomian eta gizartean duten garrantziaz jabetuta, enpresa hauen lehiakortasuna hobetzen eta biziraupena luzatzen laguntzea du helburu ziklo honek. Orotara 17 ekintza ezberdin (jardunaldiak, tailerrak eta hitzaldiak) eskainiko dira.