Arabako hiriburuan ikasketak hasten dituzten Medikuntzako 4. mailako ikasleei harrera egiteko ekitaldia egin zieten Euskal Herriko Unibertsitateko Arabako Campuseko Micaela Portilla Ikerketa Zentroko Ekitaldi Aretoan. Honako hauek parte hartu zuten: Lander Hijona zuzendari medikoak, José María Pérez gerenteak, Marta Quintana Medikuntza Irakaskuntzako zuzendariak, 5. eta 6. mailako ordezkariek, eta Ana González Pinto Gasteizko Medikuntzako Irakasguneko dekanordeak eta koordinatzaileak.

Aurten, Gasteizko Medikuntza eta Erizaintza Fakultateko Irakasguneak 118 ikasle izango ditu guztira: 34 (4. mailan), 60 (5. mailan) eta 24 (6. mailan). Horiei Sicue eta Erasmus programetako 31 ikasle gehitu behar zaizkie, aurten Cadiz eta Salamancatik eta Grezia, Portugal, Italia edo Alemaniatik datozenak. Gainera, Latinoamerikatik Mexikotik, Kolonbiatik, Argentinatik, Perutik eta Uruguaitik etorri dira.