Masterreko ikasleek borondatezko praktikak ere egin ahal izango dituzte ikasturtean zehar izen handiko enpresa edo erakundeetan, mikrobiologiaren arloko prestakuntza osatze aldera horietan. Unibertsitatearekin lankidetza hitzarmena duten zentro horietako batzuk zerrenda atxikian agertzen dira, baina zerrenda horretan zentro gehiago sar daitezke, masterreko Batzorde Akademikoak egoki baderitzo. Ezinbestekoa da ikasleak eta master amaierako lanaren zuzendaria ados jartzea, bi jarduerak bateragarriak izan daitezen.