Tituluaren gakoak
UPV/EHUren Espresa Institutuak antolatzen duen «Finantza Merkatuak eta Banka Pribatua» Berezko Masterrak prestakuntza osoa eskaintzen du finantza merkatuetan, aktiboen kudeaketan eta banka pribatuan. Gainera, Balore Merkatuaren Batzorde Nazionalak akreditatu du finantza aholkularitzaren jarduera egiteko.
Programa anbiziotsu bat da eta maila handiko prestakuntza eskaintzen du arlo hauetan: datuen analisia eta arriskuen modelizazioa, merkatuak eta produktu eratorriak, zorroen kudeaketa, inbertsio alternatiboak (private equity, hedge funds; lehengaiak), finantza aholkularitza eta sozialki arduratsua den inbertsioa. Gainera, finantza sektorearen erronka eta joera nagusiak barne hartzen ditu.
Masterra aukera paregabe bat da finantza sektorera zuzendu eta egokitzeko behar diren trebetasun eta gaitasunak garatu ahal izateko. Sektore horrek, hain zuzen ere, gero eta sofistikazio eta prestakuntza handiagoa eskatzen du merkatuen eta inbertitzaileen eskakizunei erantzuteko. Alumni sare handi bat du; 2008az geroztik Masterra egin duten profesionalek osatzen dute.
Masterra osorik egin daiteke, edo berau osatzen duten unibertsitate espezializazioko tituluetako bakoitza bereiz egin daiteke, ikaslearen inguruabar profesionaletara eta pertsonaletara egokitu ahal izateko.
